សិង្ហបុរី៖ បុគ្គលម្នាក់បានដឹងអំពី បញ្ហានេះបាននិយាយថា ម្ចាស់វិធីកម្ម TikTok របស់ក្រុមហ៊ុន ByteDance មានគម្រោងវិនិយោគ ទឹកប្រាក់រាប់ពាន់លានដុល្លារ និងជ្រើសរើសបុគ្គលិករាប់រយនាក់ នៅក្នុងប្រទេសសឹង្ហបូរី បន្ទាប់ពីពួកគេជ្រើសរើសការិយាល័យកណ្តាល ប្រចាំតំបន់អាស៊ីអាគ្នេយ៍ របស់ខ្លួននៅទីនោះ យោងតាមការចេញផ្សាយពីគេហទំព័រជប៉ុនធូដេ។
ប្រភពដដែលបានប្រាប់ថា ByteDance ក៏បានបង្កើនការទិញសេវា កម្មនៅក្នុងមជ្ឈមណ្ឌលពាណិជ្ជកម្ម និងដឹកជញ្ជូនសកល សិង្ហបុរីដើម្បីបម្រុងទុកទិន្នន័យរបស់សហរដ្ឋអាមេរិកដែល ជាឯកសារយោង ហើយក្រុមហ៊ុនបានចាប់ផ្តើម ផែនការរយៈពេល៣ ឆ្នាំក្នុងឆ្នាំ ២០១៩ ។
ក្រុមហ៊ុនចិនកំពុងត្រូវបាន ប្រធានាធិបតីអាមេរិកលោក Donald Trump បង្ខំឲ្យលក់ទ្រព្យសម្បត្តិរបស់TikTok ដើម្បីចៀសវាងការហាមឃាត់ នៅសហរដ្ឋអាមេរិក។ រដ្ឋបាល Trump បានលើកឡើងពីហានិភ័យសន្តិសុខជាតិ ដ៏មានសក្តានុពលដោយសារតែទិន្នន័យឯកជនដ៏ច្រើនដែល កម្មវិធីវីដេអូខ្លីកំពុងចងក្រង លើអ្នកប្រើប្រាស់សហរដ្ឋអាមេរិក។
ក្រុមហ៊ុន TikTok បាននិយាយថា ខ្លួនផ្ទុកទិន្នន័យអ្នកប្រើប្រាស់ អាមេរិកទាំងអស់នៅសហរដ្ឋអាមេរិកជាមួយ នឹងការបម្រុងទុកនៅសិង្ហបុរី ហើយអ្នកវិភាគនិយាយថា ទំនងជានឹង មានភាពទាក់ទាញសម្រាប់ក្រុមហ៊ុន ស្វែងរកទីតាំងអព្យាក្រឹត ចំពេលភាពតានតឹងរវាងក្រុងវ៉ាស៊ីនតោន និងប៉េកាំង៕ ដោយ៖លី ភីលីព
