ញូវយ៉ក៖ក្រុមហ៊ុនបច្ចេកវិទ្យាយក្សអាមេរិករបស់សហរដ្ឋអាមេរិកបាននិយាយថា ការផ្តល់តម្លៃរបស់ខ្លួនសម្រាប់ទិញ TikTok ត្រូវបានច្រានចោល ដោយទុកឲ្យ Oracle ជាអ្នកដេញថ្លៃតែមួយគត់មុនថ្ងៃកំណត់សម្រាប់កម្មវិធីវីដេអូគ្រប់គ្រងដោយជនជាតិចិនដើម្បីលក់ ឬបិទប្រតិបត្តិការរបស់ខ្លួននៅសហរដ្ឋអាមេរិកយោងតាមការចេញផ្សាយពីគេហទំព័រជប៉ុនធូដេ។
កាសែត The Wall Street Journal និងកាសែត New York Times បានរាយការណ៍ថា Oracle បានឈ្នះសង្គ្រាមដេញថ្លៃ តាមដកស្រង់សម្ដីមនុស្សដែលធ្លាប់ស្គាល់ពីកិច្ចព្រមព្រៀងនេះ ទោះបីក្រុមហ៊ុនមិនបានបញ្ជាក់ភ្លាមៗក៏ដោយ។ ប្រភពមួយបានប្រាប់ថា ការដេញថ្លៃ Oracle នឹងត្រូវការការយល់ព្រមពីសេតវិមាន និងគណៈកម្មាធិការវិនិយោគបរទេសនៅសហរដ្ឋអាមេរិកដោយភាគីទាំង២ជឿជាក់ថា វានឹងឆ្លើយតបទៅនឹងកង្វល់សន្តិសុខទិន្នន័យរបស់សហរដ្ឋអាមេរិក។
TikTok បានស្ថិតនៅចំកណ្តាលនៃព្យុះការទូតរវាងទីក្រុងវ៉ាស៊ីនតោន និងទីក្រុងប៉េកាំង ហើយលោកប្រធានាធិបតីលោក Donald Trump បានទុកពេលឲ្យជនជាតិអាមេរិកបញ្ឈប់ការធ្វើជំនួញជាមួយក្រុមហ៊ុនមេរបស់ចិន TikTok ដោយបង្ខំឲ្យលក់កម្មវិធីទៅឲ្យក្រុមហ៊ុនអាមេរិក។
ក្រុមហ៊ុន Microsoft បានចង្អុលបង្ហាញកាលពីដើមខែសីហាថា ខ្លួនចាប់អារម្មណ៍ក្នុងការទទួលបានប្រតិបត្តិការរបស់ក្រុមហ៊ុន TikTok នៅសហរដ្ឋអាមេរិក ប៉ុន្តែបាននិយាយថា ការដេញថ្លៃត្រូវបានច្រានចោល។ ក្រុមហ៊ុនបច្ចេកវិទ្យាយក្សអាមេរិកមួយនេះបាននិយាយនៅក្នុងសេចក្តីថ្លែងការណ៍មួយថា ByteDance ប្រាប់យើងឲ្យដឹងថា ថ្ងៃនេះពួកគេនឹងមិនលក់ប្រតិបត្តិការរបស់ក្រុមហ៊ុន TikTok ទៅឲ្យក្រុមហ៊ុន Microsoft ទេ៕ ដោយ៖លី ភីលីព
