ចិន៖ The 21st Century Business Herald បានរាយការណ៍ កាលពីពេលថ្មីៗនេះថា ប្រទេសចិនឈរលើកំពូលតារាងប្រទេស ដែលមានក្រុមហ៊ុន ផលិតគ្រឿងសិប្បនិម្មិតច្រើនជាងគេបំផុត លើពិភពលោក នេះបើយោងតាមការចេញផ្សាយ ពីគេហទំព័រឆៃណាឌៀលី។
ដោយដកស្រង់សម្ដីលោក An Hui អនុប្រធានវិស្វករ នៃវិទ្យាស្ថានស្រាវជ្រាវCCID នៃក្រសួងឧស្សាហកម្ម និងបច្ចេកវិទ្យាព័ត៌មាន បាននិយាយថា ប្រទេសចិនមានក្រុមហ៊ុន AI Unicorn ចំនួន២០៦ ដែលក្រុមហ៊ុនចិនទំាងនេះ បានដើរតួនាទីនាំមុខគេ នៅឆ្នាំ ២០១៩ ។ កាលពីឆ្នាំ ២០១៥ ដល់ឆ្នាំ២០១៩ ក្រុមហ៊ុនស៊ើបការណ៍សិប្បនិម្មិតចិន បានរៃអង្គាសប្រាក់បាន ៤០ ពាន់លានដុល្លារឈរនៅលំដាប់ទី ២ នៅលើពិភពលោក និងស្មើនឹង ២២ ភាគរយនៃចំនួនសរុប។
ស្ថិតិបានបង្ហាញថា គិតត្រឹមពាក់កណ្តាលខែតុលា ប្រទេសចិន មានក្រុមហ៊ុនមនុស្សយន្តឆ្លាតវៃចំនួន ១,៤៩៩ ក្រុមហ៊ុនដ្រូនចំនួន ២,៧០៧ ក្រុមហ៊ុនក្រុមហ៊ុនទទួលស្គាល់មុខចំនួន ៦.៧២២ ក្រុមហ៊ុនសំឡេងឆ្លាតចំនួន ២,៨៥៥ ក្រុមហ៊ុន និងក្រុមហ៊ុនបើកបរឆ្លាតវៃ ចំនួន ៦.១៤៣ ។ កាលឆ្នាំ ២០១៩ រដ្ឋាភិបាលចិន បានដាក់ចេញនូវគោលនយោបាយប្រមាណ ២៧៦ ដើម្បីជំរុញការអភិវឌ្ឍ AI ក្នុងប្រទេស។
គេរំពឹងថា ចំណែកទីផ្សារមុខមាត់ ទទួលស្គាល់របស់ប្រទេសចិន នឹងមានចំនួន ៤៤.៥៩ ភាគរយនៃចំនួន សរុបរបស់ពិភពលោកនៅឆ្នាំ ២០២៣ ។ សេចក្តីរាយការណ៍បាននិយាយថា មនុស្សយន្តឧស្សាហកម្មប្រមាណ ៧៨៣.០០០ នាក់ កំពុងប្រតិបត្តិការតាមរោងចក្រ ក្នុងប្រទេសចិន ហើយការរីករាលដាល នៃមេរោគCOVID-១៩ បានរីករាលដាល ដល់ការវិវត្តនៃបច្ចេកវិទ្យា AI នៅក្នុងវិស័យវេជ្ជសាស្ត្រ៕ ដោយ៖លី ភីលីព
