អាមេរិក៖ ក្រុមហ៊ុន Virgin Galactic នឹងបង្ហោះយានអវកាស ដើរដោយថាមពលរ៉ុក្កែតរបស់ខ្លួន គឺយានអវកាស SpaceShipTwo ចូលទៅក្នុងអវកាសជាលើកដំបូង នៅចុងសប្តាហ៍នេះ ខណៈខ្លួនមានបំណង ទាក់ទាញភ្ញៀវទេសចរ ធ្វើដំណើរកម្សាន្តក្នុងតម្លៃ ២៥០.០០០ ដុល្លារសម្រាប់កៅអីនៅឆ្នាំក្រោយ នេះបើយោងតាមការចេញផ្សាយ ពីគេហទំព័រឌៀលីម៉ែល។
ក្រុមហ៊ុនអវកាសអាមេរិក បានចែករម្លែកការប្រកាសនេះ នៅលើបណ្តាញសង្គម Twitter ដោយនិយាយថាយានអវកាស SpaceShipTwo នឹងចាប់ផ្តើមនៅចុងសប្តាហ៍នេះ ហើយកំពុងតាមដានអាកាសធាតុ បច្ចុប្បន្ននេះវាព្យាករណ៍ថា នឹងមានខ្យល់បក់បោកខ្លាំង និងភាពច្របូកច្របល់។
ប្រសិនបើដំណើរការបានល្អ គ្រាប់រ៉ុក្កែតនេះនឹងហោះចេញ ពីយានអវកាស Spaceport AmericaនៅNew Mexico នឹងផ្តល់ឱកាសដល់ Virgin Galactic ដើម្បីវាយតម្លៃចន្លោះខាងក្នុង នៃកាប៊ីនដែលអតិថិជននឹងអង្គុយ ហើយពិនិត្យមើល ការគ្រប់គ្រងប្រយុទ្ធអំឡុងពេលធ្វើដំណើរ។ ការហោះហើរគិតមកដល់នេះ គឺជាជើងហោះហើរអវកាសទី ៣ សម្រាប់Virgin Galactic និងនាំមកនូវជំហានមួយ កាន់តែខិតជិតទៅរកសេវាកម្ម ទេសចរណ៍អវកាសរបស់ខ្លួន ដែលគ្រោងនឹងធ្វើឡើងនៅឆ្នាំក្រោយ។ ការហោះហើរដំបូង ត្រូវបានគ្រោងទុកសម្រាប់ខែវិច្ឆិកា ប៉ុន្តែត្រូវបានពន្យារពេលមួយចំនួន ដោយសារតែការរីករាលដាល នៃមេរោគCOVID-19។
នាយកប្រតិបត្តិលោក Michael Colglazier បាននិយាយថា ក្រុមហ៊ុនបានកាត់បន្ថយចំនួន បុគ្គលិករបស់ខ្លួន នៅទីស្នាក់ការកណ្តាលរបស់ខ្លួន នៅក្រុមហ៊ុន Spaceport America ដោយអនុលោមតាមអាណត្តិរបស់រដ្ឋ ហើយមានតែបុគ្គលិកអវកាស មានសារសំខាន់ សម្រាប់បេសកកម្មនេះប៉ុណ្ណោះ៕ ដោយ៖លី ភីលីព
