យានស្រាវជ្រាវឈ្មោះ Tianwen-1 ទម្ងន់៥តោន របស់ចិនបានបញ្ជូនរូបភាពភពព្រះអង្គារទី១របស់ខ្លួន ត្រឡប់មកផែនដីវិញ ខណៈយានបេសកកម្មនេះ ត្រៀមចុះចតនៅទីនោះប៉ុន្មានខែទៀត។
យានអវកាស បានបង្ហោះកាលពីខែកក្កដា ឆ្នាំ២០២០ ហើយគេរំពឹងថានឹងចូលទៅកាន់គន្លងរបស់ភពព្រះអង្គារនៅថ្ងៃទី ១០ ខែកុម្ភៈខាងមុខនេះ។ រូបថតសខ្មៅដែលចេញផ្សាយដោយរដ្ឋបាលអវកាសជាតិចិន បានបង្ហាញពីលក្ខណៈភូមិសាស្ត្រជាច្រើន នៅភពដែលមានរហស្សនាមថា ភពក្រហមនេះ
រូបភាពរួមមានរណ្ដៅ Schiaparelli និងផ្ទាំងសិលា Valles Marineris ដែលជាផ្ទាំងសិលាលាតសន្ធឹងយ៉ាងធំនៅលើផ្ទៃភពអង្គារ។ រូបនេះ ត្រូវបានថតចេញពីចម្ងាយប្រមាណ ២,២ លានគីឡូម៉ែត្រពីភពអង្គារ។ ចិនរំពឹងចុះចតយាន នៅខែឧសភានៅតំបន់ Utopia ជាអតីតអាងទឹករីងស្ងួតដ៏ធំមួយនៅទីនោះ៕ ប្រភព ៖ sabay
