រថយន្ត Tesla Model X នឹងមានវត្តមាននៅក្នុងប្រទេសកម្ពុជា ជាលើកដំបូងបង្អស់ ក្នុងពេលឆាប់ៗខាងមុខនេះ តាមរយៈការនាំចូលរបស់ ឃ្លាំងលក់រថយន្តឯកជនមួយកន្លែង ក្នុងរាជធានីភ្នំពេញ។
ខាងក្រោមនេះគឺជាចំណុចពិសេសៗទាំង ១០ លើរថយន្ត Tesla Model X ដែលអ្នកគួរដឹងពីវា៖
១) វាជារថយន្ត SUV ផ្តល់សុវត្ថិភាពបំផុតមួយ ដោយទទួលបានពិន្ទុ “ផ្កាយ៥” គ្រប់ការធ្វើតេស្តបុក

២) វាបំពាក់ប្រព័ន្ធហ្វ្រាំងស្វ័យប្រវត្តិ high-speed automatic braking system ដំបូងគេបង្អស់ ដោយអាចបញ្ឈប់រថយន្ត ដោយស្វ័យប្រវត្តិនៅល្បឿនដល់ ៤៨គីឡូម៉ែត្រក្នុងមួយម៉ោង
៣) វាមានមុខងារ “Bioweapon Defense Mode” ដែលអាចការពារការវាយប្រហារដោយអាវុធជីវសាស្រ្ត ក្នុងករណីមានការវាយប្រហារ ដោយគ្រាប់បែកឧស្ម័នពុល និងតម្រងខ្យល់ High-Efficiency Particulate Arrestance (HEPA) ដំបូងគេបង្អស់លើរថយន្ត

៤) វាបំពាក់ទ្វារបើកឡើងលើ ដូចស្លាបសត្វ ហៅថា “Falcon Doors” ដែលអនុញ្ញាតឲ្យអ្នកដំណើរខាងក្រោយចេញពីរថយន្តបាន ទោះស្ថិតក្នុងទីធ្លាតូចចង្អៀតបំផុត

៥) វាបំពាក់កញ្ចក់មុខធំបំផុតនៅលើរថយន្ត (production car) ណាៗទាំងអស់

៦) វាមានសមត្ថភាពអាចអូសសណ្តោងបានទម្ងន់ ៥ ០០០ផោន ឬ ២២៦០គីឡូក្រាម
៧) វាមាន Option មួយហៅថា “Ludicrous Speed” ហើយមានតម្លៃដល់ទៅ ១០ ០០០ដុល្លារឯណោះ អនុញ្ញតឲ្យវារត់ដល់ល្បឿនអតិបរមា ២៥០គីឡូម៉ែត្រក្នុងមួយម៉ោង
៨) វាអាចរត់ស្ទុះពីកុងទ័រ ០-១០០គីឡូម៉ែត្រក្នុងមួយម៉ោង ប្រើពេលត្រឹម ៣វិនាទីប៉ុណ្ណោះ

៩) វាអាចបើកបរបានចម្ងាយដល់ទៅ ៣៧១ម៉ាយ៍ ឬ ៥៩៧គីឡូម៉ែត្រ នៅពេលសាកភ្លើងពេញម្តង
១០) វានឹងអាចបើកបរ ដោយស្វ័យប្រវត្តិពេញលេញបានក្នុងពេលឆាប់ៗខាងមុខ ៕
ប្រភព៖ sabay
