អង់គ្លេស ៖ របាយការណ៍ថ្មី ដ៏គួរឲ្យភ្ញាក់ផ្អើលមួយ បានអះអាងថា Instagram កំពុងតែណែនាំដល់ ព័ត៌មានមិន ពិត មេរោគ Covid-19 រួមមានការកុហក អំពីវ៉ាក់សាំង ដល់អ្នកប្រើ ប្រាស់រាប់លាននាក់ ក្នុងពេលមានជំងឺ រាតត្បាតនាបច្ចុប្បន្ន នេះបើយោងតាមការចេញផ្សាយ ពីគេហទំព័រឌៀលីម៉ែល ។
ប្រកាសផ្សព្វផ្សាយ ដោយក្បួនដោះស្រាយបណ្តាញ សង្គមដែលគ្រប់គ្រង ដោយ Facebook រួមមានការអះអាងថា មេរោគ Covid-19 មិនពិត វ៉ាក់សាំង មិនមានសុវត្ថិភាព និងសម្លាប់កុមារ ហើយរោគរាតត្បាតបានក្លែងបន្លំ ដើម្បីផ្តល់ឲ្យរដ្ឋាភិបាល នូវការគ្រប់គ្រង កាន់តែច្រើនទៅលើប្រជាជន។
របាយការណ៍នេះ ជារបស់មជ្ឈមណ្ឌល សម្រាប់ការប្រឆាំងឌីជីថល ស្អប់ (CCDH) ដែលជា អង្គការ មិនរកប្រាក់ចំណេញ របស់ចក្រភពអង់គ្លេស ដែលបាន រកឃើញភាព មិនស្មោះត្រង់ប្រឆាំង នឹងព័ត៌មាន មិនត្រឹមត្រូវទាក់ទង នឹងការបោះឆ្នោតអាមេរិក កាលពីឆ្នាំមុននិងមាតិកា QAnon ។
CCDH បានចេញផ្សាយ លិខិតចំហរ ដល់លោកMark Zuckerberg ជានាយកប្រតិបត្តិ និងជាស្ថាបនិក ក្រុមហ៊ុន Facebook ដែលជាម្ចាស់កម្មវិធី Instagram តាំងពីឆ្នាំ ២០១២ ។
លិខិតនេះជំរុញ ឲ្យលោក Zuckerberg ជួសជុលវិធីដោះស្រាយបញ្ហា របស់ Instagram ប្រសិន បើលោកជឿជាក់ លើគោលនយោបាយ របស់ Facebook ដើម្បីទប់ស្កាត់ការ រីករាលដាល នៃព័ត៌មានមិនពិត៕
