Toyota Camry តែងតែធ្វើការផ្លាស់ប្ដូរ រូបរាងជារៀងរាល់ ៥ ឆ្នាំម្ដង ខណៈក្នុងមួយឆ្នាំៗ រថយន្តប្រភេទនេះ បែងចែកជាច្រើនជម្រើសដូចជា LE, XLE, SE និង XSE។ តើប្រភេទ LE, XLE, SE និង XSE ខុសគ្នាដូចម្ដេចខ្លះ?
LE មានពាក្យពេញថា Luxury Edition ម៉ាស៊ីន ២,៥ លីត្រ ស៊ីឡាំង ៤ ប្រអប់លេខស្វ័យប្រវត្តិ ៦ វគ្គ។
XLE មានពាក្យពេញថា Executive Luxury Edition ម៉ាស៊ីន ២,៥ លីត្រ ស៊ីឡាំង ៤ ប្រអប់លេខស្វ័យប្រវត្តិ ៦ វគ្គ និងម៉ូដែលម៉ាស៊ីន ៣,៥ លីត្រ ស៊ីឡាំង ៦ ប្រអប់លេខស្វ័យប្រវត្តិ ៦ វគ្គ។
SE មានពាក្យពេញថា Sport Edition ម៉ាស៊ីន ២,៥ លីត្រ ស៊ីឡាំង ៤ ប្រអប់លេខស្វ័យប្រវត្តិ ៦ វគ្គ។
XSE មានពាក្យពេញថា Executive Sport Edition ម៉ាស៊ីន ២,៥ លីត្រ ស៊ីឡាំង ៤ ប្រអប់លេខស្វ័យប្រវត្តិ ៦ វគ្គ និងម៉ូដែលម៉ាស៊ីន ៣,៥ លីត្រ ស៊ីឡាំង ៦ ប្រអប់លេខស្វ័យប្រវត្តិ ៦ វគ្គ។
ម៉ូដែល LE ហាក់មានតម្លៃធូរជាងគេ ព្រោះមានបច្ចេកវិទ្យាទំនើបមធ្យម ជាមួយបរិក្ខារក្នុងភាគច្រើនស្រោបដោយជ័រ ឧទាហរណ៍ ដៃចង្កូតជាជ័រ និងស្បែកពូកជាក្រណាត់។ សម្រាប់ម៉ូដែល XLE គឺមានតម្លៃខ្ពស់ ព្រោះមានបច្ចេកវិទ្យាទំនើប សុវត្ថិភាពខ្ពស់ និងបរិក្ខារក្នុងប្រណិត ដូចជាដៃចង្កូត ដៃទ្វា និងតាប្លូលាយជាមួយឈឺយ៉ាងប្រណីត។
ចំពោះ SE និង XSE មានរាងទាក់ទាញបែបស្ព័រ និងស៊ីវិល័យជាងប្រភេទ LE និង XLE ។ កាន់តែពិសេស SE និង XSE តែងបំពាក់រួចជាស្រេច នូវយ៉ាន់ស្ព័រទំហំ ១៧ អ៊ីញ។ សម្រាប់តម្លៃនៃរថយន្តម៉ូដែលទាំង ៤ នេះ ក៏ខុសគ្នាផងដែរ៕ ប្រភព៖ sabay
