តូក្យូ៖ ក្រសួងឧស្សាហកម្ម របស់ប្រទេសជប៉ុននិយាយថា ប្រទេសជប៉ុន និងប្រទេសអារ៉ាប់រួមបានឯកភាពគ្នា ធ្វើការលើបច្ចេកវិទ្យាដើម្បីផលិតអ៊ីដ្រូសែន និងបង្កើតខ្សែសង្វាក់ផ្គត់ផ្គង់អន្តរជាតិរវាងប្រទេសទាំង២ យោងតាមការចេញផ្សាយ ពីគេហទំព័រជប៉ុនធូដេ។
កិច្ចសហការនេះ គឺជាអនុស្សរណៈនៃកិច្ចសហប្រតិបត្តិការរវាង UAE ដែលផលិតប្រេង និងប្រទេស នាំចូលថាមពលជប៉ុន ឆ្លុះបញ្ចាំងពីភាពរីករាយចំពោះការវិនិយោគ លើអ៊ីដ្រូសែន ផ្តល់សក្តានុពលដើម្បីជួយទប់ទល់ នឹងការប្រែប្រួលអាកាសធាតុ។
រដ្ឋាភិបាលជប៉ុន បានកំណត់គោលដៅកាលពីខែធ្នូ ដើម្បីជំរុញតម្រូវការអ៊ីដ្រូសែនប្រចាំឆ្នាំរបស់ខ្លួនដល់ ៣ លានតោននៅឆ្នាំ ២០៣០ ពីប្រមាណ ២ លានតោនហើយដល់ ២០ លានតោននៅឆ្នាំ ២០៥០ ជាផ្នែកមួយនៃយុទ្ធសាស្ត្រកំណើនបៃតង ដើម្បីឈានដល់ការបំភាយកាបូនសុទ្ធសូន្យនៅឆ្នាំ ២០៥០ ។
គោលបំណងនៃកិច្ចព្រមព្រៀងថា ប្រទេសជប៉ុន គួរតែអាចនាំចូលអ៊ីដ្រូសែន ដែលផលិតនៅក្នុងប្រទេសអារ៉ាប់រួម អាចត្រូវបានផលិតចេញពីឥន្ធនៈហ្វូស៊ីល ប៉ុន្តែការបំភាយឧស្ម័នត្រូវបានចាប់យក និងប្រើប្រាស់នៅក្នុងឧស្សាហកម្ម។ ប្រទេសទាំង២ក៏នឹងសហការផងដែរដើម្បីជំរុញតម្រូវការ អ៊ីដ្រូសែននៅអារ៉ាប់រួម។ អ៊ីដ្រូសែនដែលភាគច្រើនត្រូវបានគេយកចេញពីឧស្ម័នធម្មជាតិ ឬផលិតកម្មធ្យូងថ្មត្រូវបានប្រើប្រាស់ជាយូរមកហើយនៅក្នុងកម្មវិធីរាប់ចាប់ពីឥន្ធនៈ រ៉ុក្កែតរហូតដល់ផលិតជី។
ប៉ុន្តែនៅពេលរដ្ឋាភិបាលព្យាយាម ដោះស្រាយការផ្លាស់ប្តូរអាកាសធាតុគោលដៅ ដើម្បីផ្លាស់ប្តូរទៅជាអ៊ីដ្រូសែនបៃតង ដែលបញ្ចេញដោយការបំភាយថាមពល ដោយប្រើថាមពលកកើតឡើងវិញ និងពង្រីកការប្រើប្រាស់របស់ខ្លួនបន្ថែមទៀត ដើម្បីរួមបញ្ចូលការជំនួសថាមពលឥន្ធនៈហ្វូស៊ីល នៅក្នុងដំណើរការឧស្សាហកម្ម និងប្រើវាជាឥន្ធនៈដឹកជញ្ជូន៕
ដោយ៖លី ភីលីព
