យានអវកាស Curiosity របស់អង្គការ អវកាសណាសា ប្រហែលជាជិតនឹងរកឃើញភស្តុតាងនៃអំបិលនៅក្នុងដីម៉ាទីន ដោយទីភ្នាក់ងារអវកាសនិយាយថា អាចជាសញ្ញាជីវិតមួយដែលធ្លាប់មាននៅលើភពក្រហមមួយ នេះបើយោងតាមការចេញផ្សាយពី គេហទំព័រឌៀលីម៉ែល។
អ្នកវិទ្យាសាស្ត្រដែលមានផែនការមកពីមជ្ឈមណ្ឌល អវកាសអវកាស NASA Goddard នៅមជ្ឈមណ្ឌល Greenbelt រដ្ឋ Maryland បានដើរប្រមូលការ ចែកចាយតាមរយៈរូបភាព និងទិន្នន័យពីយាន។ពួកគេបានរកឃើញថា អំបិលសរីរាង្គ ឬផ្ទុកកាបូនទំនងជាមាននៅលើភពព្រះអង្គារ ដែលទីភ្នាក់ងារនិយាយថា ជាសំណល់គីមីនៃសមាសធាតុសរីរាង្គ។
សមាសធាតុសរីរាង្គ និងអំបិលអាចត្រូវបានបង្កើតឡើងដោយដំណើរការ ភូគព្ភសាស្ដ្រ ឬជាសំណល់នៃជីវិតអតិសុខុមប្រាណបុរាណដោយបង្ហាញថា ភពនេះប្រហែល ជាអាចរស់នៅបាន។ ឧបករណ៍ដែលមានស្រាប់នៅក្នុងយាន Curiosity គឺមិនសមស្របសម្រាប់ កំណត់ថាតើវាពិតជាសរីរាង្គទេប៉ុន្តែក្រុមនេះសង្ស័យថា វាទំនងជាអញ្ចឹង។
អ្នកស្រាវជ្រាវ NASA លោក James M T Lewis បានបន្ថែមថា ក្រៅពីការភ័ស្តុតាងបន្ថែមទៀតចំពោះគំនិតថា វាធ្លាប់មានសារធាតុសរីរាង្គនៅលើភពព្រះអង្គារ ការរកឃើញអំបិលសរីរាង្គដោយផ្ទាល់ក៏នឹងជួយទ្រទ្រង់ទម្លាប់របស់ម៉ាទីនសម័យថ្មី។ លោក Lewis បានបន្ថែមថា ប្រសិនបើយើងកំណត់ថា មានអំបិលសរីរាង្គប្រមូលផ្តុំនៅគ្រប់ទីកន្លែង នៅលើភពព្រះអង្គារ យើងនឹងចង់ស៊ើបអង្កេតតំបន់ ទាំងនោះបន្ថែមទៀតហើយធ្វើការខួងជ្រៅ នៅខាងក្រោមផ្ទៃដែលសារធាតុសរីរាង្គអាចត្រូវ បានថែរក្សាបានល្អជាងនេះ ។
លោកបានអះអាងថា ការពិសោធន៍លើ ផែនដីនិងទិន្នន័យ ពីមន្ទីរពិសោធន៍គីមីវិទ្យារ៉ូបូតដែលមាននៅក្នុងយាន Curiosity បានចង្អុលបង្ហាញដោយ ប្រយោលទៅនឹងវត្តមានអំបិលសរីរាង្គនៅលើភពព្រះអង្គារ៕ដោយ៖លី ភីលីព
