ស៊ីដនី ៖ Nine Entertainment Co Holdings Ltd បាននិយាយ ថា ខ្លួនបានចុះហត្ថលេខា លើកិច្ចព្រមព្រៀងផ្គត់ផ្គង់ មាតិការយៈពេលជាច្រើនឆ្នាំ ជាមួយក្រុមហ៊ុន បច្ចេកវិទ្យាយក្ស អាមេរិក Google និង Facebook ក្រោមលេខកូដ ចរចាព័ត៌មានរបស់អូស្រ្តាលី យោងតាមការចេញផ្សាយ ពីគេហទំព័រជប៉ុនធូដេ ។
កិច្ចព្រមព្រៀងមិនត្រូវបានបង្ហាញ ត្រូវបានធ្វើឡើងបន្ទាប់ពីគូប្រជែង របស់ក្រុមហ៊ុន Seven West Media Ltd and News Corp បានចុះកិច្ចព្រមព្រៀង ស្រដៀងគ្នានេះ បន្ទាប់ពីការអនុម័ត ច្បាប់ តឹងរឹងដើម្បីធ្វើឲ្យក្រុមហ៊ុន បច្ចេកវិទ្យាអាមេរិកចំណាយប្រាក់ សម្រាប់ការបង្ហាញព័ត៌មាន នៅលើវេទិការបស់ពួកគេ ។
ក្រុមហ៊ុនពហុប្រព័ន្ធផ្សព្វផ្សាយ បាននិយាយថា ខ្លួននឹងផ្គត់ផ្គង់មាតិកាសម្រាប់វេទិការបង្ហាញព័ត៌មាន របស់ Google រយៈពេល ៥ ឆ្នាំ និងផលិតផល Facebook ស្រដៀងគ្នាសម្រាប់រយៈពេល ៣ ឆ្នាំ។ ក្រុមហ៊ុន Google ក៏នឹងពង្រីកបណ្តាក់ទុនទីផ្សារ របស់ខ្លួននៅលើវេទិការ របស់នីនផងដែរ ។
បន្ទាប់ពីពិចារណា លើកិច្ចព្រមព្រៀងថ្មីទាំងនេះ និងចំណូលពីការជាវជាប្រចាំ សម្រាប់ក្បាលរបស់ Nine ក្រុមហ៊ុន ដែលមានមូលដ្ឋាន នៅទីក្រុងស៊ីដនី បាននិយាយថា ខ្លួនរំពឹងថា នឹងមានការកើនឡើងពី ៣០ លានដុល្លារដល់ ៤០ លានដុល្លារអូស្រ្តាលី (២៣,២ លានដុល្លារដល់ ៣១ លានដុល្លារ) ក្នុងប្រាក់ចំណូលស្នូល របស់សារពើពន្ធឆ្នាំ ២០២២ ៕ដោយ៖លី ភីលីព
