អ្នកទាំងអស់គ្នាប្រហែលជាស្គាល់ហើយឈ្មោះមហាសេដ្ឋី Elon Musk ។ លោកគឺជាម្ចាស់ ក្រុមហ៊ុនផ្តល់សេវាអ៊ឺនធើណិត Starlink របស់ SpaceX និងជាមនុស្សម្នាក់ដែលផ្លាស់ប្ដូរ បរិបទចាស់នៃអ៊ីនធើណិតតម្លៃថ្លៃ ប្រែក្លាយជាធ្វើឱ្យអ៊ីនធឺណិតផ្កាយរណប មានតម្លៃសមរម្យ អាចតំឡើងបានចន្លោះពី ៥០០ ដុល្លារដល់ ១០០០ ដុល្លារនិងមានល្បឿនលឿនជាងមុន។
សេវាកម្មអ៊ីនធឺណែតល្បឿនលឿនរបស់ក្រុមហ៊ុន Starlink នឹងចាប់ផ្ដើមដាក់ឱ្យប្រើប្រាស់ ទូទាំងពិភពលោកនៅខែសីហាខាងមុខនេះ លើកលែងតែតំបន់ប៉ូលខាងជើង និងប៉ូលខាងត្បូងប៉ុណ្ណោះមិនទាន់ដាក់ឱ្យប្រើប្រាស់បាន។
ក្រោយពីលោក Elon Musk ចូលរួមក្នុងកម្មវិធី MWCទីក្រុងបាសេឡូណាប្រទេសអេស្ប៉ាញ តាមរយៈវីដេអូខល បានលើកឡើងថា៖ «យ៉ាងហោចណាស់១២ខែទៀតចុះ យើងនឹងសម្រេចបានអ្នកចុះ ឈ្មោះប្រើប្រាស់បន្ថែមច្រើនជាង ៥០ ម៉ឹននាក់ដែលជាចំនួនដ៏ច្រើន បំផុតតាំងពីដាក់សាកល្បង មកទល់ពេលនេះ។»
លោកបន្តថា ពេលនេះសេវាកម្មអ៊ីនធឺណែត Starlink មានល្បឿនលឿនស្ថិតក្នុងកម្រិត 50mbps-150mbps បច្ចុប្បន្នមានអ្នកប្រើប្រាស់ជិត ៧ មុឺននាក់រួចទៅហើយ។
Starlink គឺជាក្រុមហ៊ុនថ្មីថ្មោងដែលមានចក្ខុវិស័យវែងឆ្ងាយគឺ ការផ្តត់ផ្គង់អ៊ឺនធើណិតឲ្យបានគ្រប់កន្លែង គ្រប់ជ្រុងនៃពិភពលោក និងកំពុងតែដំណើការដើម្បីឲ្យវាសម្រេចបាន ខណៈដែលបច្ចុប្បន្នក្រុមហ៊ុនបានបាញ់បង្ហោះជាបន្តបន្ទាប់ទៅកាន់គន្លងតារាវិថីច្រើនជាង ១ ពាន់ផ្កាយរណបរួចមកហើយ។
Starlink មានផ្កាយរណបសរុបចំនួន ១៥០០គ្រឿង កំពុងបង្ហោះនៅលើតារាវិថីកម្រិតទាបបំផុត ចម្ងាយពីភពផែនដីប្រមាណជា ៥៥០-៥៧០ គីឡូម៉ែត្រតែប៉ុណ្ណោះ។ ដែលនេះជាហេតុផលសំខាន់ដែលធ្វើឱ្យអ៊ីនធឺណិតផ្កាយរណបរបស់ពួកគេមានល្បឿនលឿនផងដែរ។
មុននឹងដំណើការទៅបានដោយរលូនបែបនេះ ក្រុមហ៊ុនចំណាយទឹកប្រាក់វិនិយោគអស់ រាប់សិនលានដុល្លារ និងប្រើពេលជាច្រើនឆ្នាំមកហើយ៕
ប្រភព៖ sabay
