សេនហ្វ្រេនស៊ីស្កូ៖លោក Tim Sweeney នាយកប្រតិបត្តិក្រុមហ៊ុន Epic Games Inc ជាអ្នកបង្កើត Fortnite និយាយថា លោកត្រូវបាន Apple ប្រាប់ថា ហ្គេមនេះអាចបញ្ជូនក្នុងបញ្ជីខ្មៅ ពីប្រព័ន្ធអេកូឡូស៊ីរបស់ Apple រហូតដល់ករណីផ្លូវច្បាប់របស់ក្រុមហ៊ុនត្រូវបានដោះស្រាយហើយបណ្តឹងឧទ្ធរណ៍ទាំងអស់ត្រូវអស់អាចមានរយៈពេលយូរ៥ឆ្នាំយោងតាមការចេញផ្សាយពីគេហទំព័រជប៉ុនធូដេ។
លោក Sweeney បានបង្ហោះនៅលើបណ្តាញសង្គម Twitter ថា Epic បានស្នើសុំឲ្យ Apple ស្តារ Fortnite ឡើងវិញហើយសន្យាថានឹងគោរពតាមការណែនាំរបស់ Apple គ្រប់ពេលវេលា និងគ្រប់ទីកន្លែងដែលយើងបញ្ចេញផលិតផលនៅលើវេទិការបស់ Apple ។ Apple បានចំណាយពេលមួយឆ្នាំដើម្បីប្រាប់ពិភពលោក តុលាការ និងសារព័ត៌មានថា ពួកគេនឹងស្វាគមន៍ការវិលត្រឡប់របស់ Epic ទៅ App Store ប្រសិនបើពួកគេយល់ព្រមលេងតាមច្បាប់ដូចអ្នកដទៃទៀតដែរ។
Epic បានយល់ព្រម ហើយឥឡូវនេះ Apple បានបដិសេធការរំលោភបំពានមួយទៀតនៃអំណាចផ្តាច់មុខរបស់ខ្លួនលើអ្នកប្រើប្រាស់រាប់ពាន់លាននាក់។ តំណាងរបស់ក្រុមហ៊ុន Apple មិនបានឆ្លើយតបភ្លាមៗចំពោះសារសុំការអត្ថាធិប្បាយឡើយ។
កាលពីដើមខែនេះចៅក្រមសហព័ន្ធត្រួតពិនិត្យលើការវែកញែកតាមផ្លូវច្បាប់របស់ក្រុមហ៊ុនបានបញ្ជាឲ្យ Apple រុះរើផ្នែកដែលរកប្រាក់បាននៃរបាំងការពារប្រកួតប្រជែងការពារ iPhone app store ដំណើរការយ៉ាងជិតស្និទ្ធរបស់ខ្លួន ប៉ុន្តែបានច្រានចោលការចោទប្រកាន់ថា ក្រុមហ៊ុននេះកំពុងដំណើរការផ្តាច់មុខខុសច្បាប់រារាំងការប្រកួតប្រជែង និងការបង្កើតថ្មី។
ប៉ុន្តែចៅក្រមស្រុកអាមេរិក Yvonne Gonzalez Rogers មិនបានដាក់ឈ្មោះ Apple ថា ជាអ្នកផ្តាច់ការ ឬតម្រូវឲ្យវាអនុញ្ញាតឲ្យមានលើ Stores ប្រកួតប្រជែងផ្តល់កម្មវិធីសម្រាប់ទូរស័ព្ទ iPhone, iPad និង iPod ។ Epic កំពុងប្តឹងឧទ្ធរណ៍ចំពោះការសម្រេចចិត្តនេះ។
Epic បានអះអាងថា Apple បានកំចាត់ក្រុមហ៊ុនផលិតកម្មវិធីដោយគិតកម្រៃជើងសារចាប់ពី ១៥% ទៅ ៣០% សម្រាប់ប្រតិបត្តិការក្នុងកម្មវិធីព្រោះវាហាមឃាត់ជម្រើសផ្សេងទៀតនៅលើ iPhone, iPad និង iPod ៕ ដោយ៖លី ភីលីព
