អង់គ្លេស៖ឧបករណ៍ឆ្លាតវៃសិប្បនិម្មិត (AI) ដែលអាចប្រាប់ពីអាយុអ្នកប្រើប្រាស់ប្រព័ន្ធផ្សព្វផ្សាយ សង្គមលើកម្មវិធីដូចជា Instagram និង TikTok ត្រូវបានបង្កើតឡើងដោយក្រុមហ៊ុនចាប់ផ្តើមបច្ចេកវិទ្យានៅចក្រភពអង់គ្លេស នេះបើយោងតាមការចេញផ្សាយ ពីគេហទំព័រឌៀលីម៉ែល។
ប្រព័ន្ធនេះអាចធ្វើការប៉ាន់ប្រមាណអាយុរបស់ Yoti ត្រូវបានដាក់ឲ្យប្រើប្រាស់ក្នុងពេលឆាប់ៗនេះ នៅលើប្រព័ន្ធផ្សព្វផ្សាយសង្គម ហលយអាចប្រាប់ថា តើអ្នកប្រើប្រាស់ដែលមានអាយុចន្លោះពី ៦ ទៅ ១៨ ឆ្នាំមានកំហុសឆ្គងរយៈពេល១,៥ ឆ្នាំ។ កម្មវិធីនេះដំណើរការដោយការប្រៀបធៀប មុខមាត់របស់អ្នកប្រើប្រាស់ត្រូវបានថតតាមរយៈ កាមេរ៉ាឧបករណ៍ធៀបនឹងរូបភាពរាប់លានផ្សេងទៀត របស់អ្នកប្រើប្រាស់កម្មវិធីលេខសម្គាល់ឌីជីថល Yoti ដែលមានអាយុស្គាល់។
ក្រុមហ៊ុនប្រព័ន្ធផ្សព្វផ្សាយសង្គមដូចជា Facebook បានតស៊ូជាយូរមកហើយជាមួយវិធីដោះស្រាយការផ្ទៀងផ្ទាត់អាយុអប្បបរមាដោយគ្មានការស្នើសុំព័ត៌មានលម្អិតអំពីលិខិតឆ្លងដែន ដែលមនុស្សជាច្រើនយល់ថា ជាការរំខាន។ នាយកប្រតិបត្តិ Yoti លោក Robin Tombs មានប្រសាសន៍ថា ការគំរាមកំហែងធ្វើឲ្យកុមារប្រឈមមុខនឹងអ៊ីនធើណេតនៅតែបន្តកើនឡើង ដូច្នេះខ្ញុំមានមោទនភាពក្នុងការណែនាំការប៉ាន់ស្មានអាយុរបស់ Yoti សម្រាប់អាយុក្រោម ១៣ ឆ្នាំ” ។
បច្ចេកវិទ្យានេះនឹងជួយឲ្យអាជីវកម្ម និងនិយតករការពារមនុស្សវ័យក្មេងបានប្រសើរជាងមុនជាមួយនឹងការកកិតទាប ខណៈពេលដែលរក្សាភាពឯកជន។ ឥឡូវនេះយើងបានធ្វើឲ្យវាមានភាពងាយស្រួលសម្រាប់វេទិកាជុំវិញពិភពលោកក្នុងការរចនាសេវាកម្ម “តាមអាយុសមរម្យ”៕ដោយ៖លី ភីលីព
