កូរ៉េខាងត្បូង ៖ ក្រុមហ៊ុន Samsung Electronics Co . ហាក់ដូចជាកំពុង ខិតទៅជិតការសម្រេចចិត្តចុងក្រោយ នៅលើកន្លែងសម្រាប់រោងចក្រផលិត បន្ទះឈីបថ្មីរបស់ខ្លួន នៅសហរដ្ឋអាមេរិក ដោយសារតែក្រុមហ៊ុនស្ថិត នៅចំណុចកណ្តាលទូទាំងពិភពលោក បានចូលរួមក្នុងការប្រកួតប្រជែង កាន់តែខ្លាំងឡើងចំពេលមានវិបត្តិ បន្ទះឈីបសកល ។
កន្លែងរបស់អ្នកគ្រប់គ្រងរដ្ឋតិចសាស់ បានបង្ហាញថា ក្រុមហ៊ុនបច្ចេកវិទ្យាយក្ស របស់កូរ៉េខាងត្បូង ត្រូវបានគេរកឃើញថា បានដកពាក្យស្នើសុំរបស់ខ្លួន ដែលបានដាក់ កាលពីខែមករា ជាមួយ Manor Independent School District (ISD) ក្នុងទីក្រុង Travis រដ្ឋតិចសាស់ សម្រាប់ការលើកទឹកចិត្ត ផ្នែកពន្ធដារទាក់ទង នឹងរោងចក្រ ផលិតបន្ទះឈីបថ្មីរបស់ខ្លួន ។ សាលាស្រុកនៅក្នុងរដ្ឋបង្កើតជាភាគីសំខាន់មួយ ក្នុងការចរចាលើការ សាងសង់រោងចក្រថ្មី ។
ប្រភេទឯកសារដូចគ្នា ដែលបានដាក់កាលពីខែកក្កដា ជាមួយទីក្រុង Taylor ភាគឦសាននៃទីក្រុង Austin នៅតែអាចរកឃើញនៅកន្លែងសាធារណៈ។ ទីតាំងទាំង២នៅរដ្ឋតិចសាស់កំពុងប្រកួតប្រជែងគ្នា ដើម្បីធ្វើជាម្ចាស់រោងចក្រថ្មីរបស់ក្រុមហ៊ុន ផលិតបន្ទះសៀគ្វី ពិភពលោក ត្រូវបានគេជឿថា មានតម្លៃ ១៧ ពាន់លានដុល្លារ។ ក្រុមហ៊ុនកូរ៉េខាងត្បូង មិនបានច្រានចោលកន្លែងផ្សេងទៀត នៅក្នុងទីក្រុងញូវយ៉ក និងអារីហ្សូណាសម្រាប់ទីតាំង សក្តានុពលនោះទេ ។
ក្រុមហ៊ុន Samsung Electronics ជាក្រុមហ៊ុនផលិត បន្ទះឈីប អង្គចងចាំ និងទូរស័ព្ទចល័តដ៏ធំបំផុត របស់ពិភពលោកបាននឹង កំពុងពិចារណាសាងសង់ រោងចក្រថ្មីមួយនៅជិតកន្លែង ដែលមានស្រាប់ក្នុងទីក្រុង Austin បានបើកដំណើរ ការក្នុងឆ្នាំ១៩៩៦ ។ ប៉ុន្តែការដាច់ចរន្តអគ្គិសនី ដ៏ធំដែលបណ្តាលមកពីរលកត្រជាក់ និងព្យុះព្រិលនៅតំបន់នោះកាលពីខែកុម្ភៈ បានបណ្តាលឲ្យក្រុមហ៊ុន ខាតបង់រាប់លានដុល្លារ និងបានលើកឡើងពីការព្រួយបារម្ភ អំពីការផ្គត់ផ្គង់អគ្គិសនីថេរ ។
ទីក្រុង Taylor ក្នុងរដ្ឋតិចសាស់ ដែលមានប្រជាជន ប្រហែល ១៨,០០០ នាក់ បច្ចុប្បន្នត្រូវបានគេចាត់ទុកថា ជាអ្នកនាំមុខគេ ក្នុងការប្រណាំង ដើម្បីក្លាយជា ផ្ទះ របស់រោងចក្រថ្មី ។ វាបានផ្តល់ឲ្យក្រុមហ៊ុន បច្ចេកវិទ្យាយក្ស នូវសំណុំនៃការលើកទឹកចិត្ត រួមទាំងការបញ្ចុះតម្លៃពន្ធផងដែរ សម្រាប់គម្រោង ត្រូវបានរំពឹងថា នឹងនាំមកនូវការងារប្រហែល ១,៨០០ និងឱកាសផ្សេងទៀត ៕ដោយ៖លី ភីលីព
