ប៉ារីស ៖ ក្រុមហ៊ុនបច្ចេកវិទ្យាយក្ស អាមេរិក Google និង Agence France-Presse (AFP ) បានចុះហត្ថលេខាលើ កិច្ចព្រមព្រៀង រយៈពេល៥ឆ្នាំ សម្រាប់ត្រួសត្រាយផ្លូវ ដែលក្រុមហ៊ុនស្វែងរកអ៊ីនធើណេត ដ៏ធំបំផុត របស់ពិភពលោក នឹងចំណាយប្រាក់មិន បង្ហាញសម្រាប់មាតិកា នៅក្នុងទ្វីបអឺរ៉ុបយោងតាមការចេញ ផ្សាយពីគេហទំព័រជប៉ុនធូដេ ។
កិច្ចព្រមព្រៀងនេះបន្ទាប់ ពីការចរចារយៈពេល ១៨ ខែ គឺជាលើកដំបូងដោយទីភ្នាក់ងារសារព័ត៌មាន ក្រោមការណែនាំរបស់អឺរ៉ុប ឆ្នាំ២០១៩ត្រូវគេហៅថា សិទ្ធិអ្នកជិតខាងជាបេះដូង នៃជម្លោះជាច្រើនរវាងគេហទំព័រយក្ស និងប្រព័ន្ធផ្សព្វផ្សាយជុំវិញ ការទូទាត់សម្រាប់ការប្រើប្រាស់ព័ត៌មាន អនឡាញ និងខ្លឹមសារផ្សេងទៀត ។ លោក Fabrice Fries នាយកប្រតិបត្តិ AFP បាននិយាយថា នេះគឺជាកិច្ចព្រមព្រៀង ដែលគ្របដណ្តប់ សហភាពអឺរ៉ុប ទាំងមូលជាភាសា ទាំងអស់របស់ AFP រួមទាំងប្រទេសដែលមិនបានអនុវត្តសេចក្តីណែនាំ ដោយពណ៌នាអំពីកិច្ចព្រមព្រៀង នេះថា ជា “ការត្រួសត្រាយផ្លូវ” និង “ការបញ្ចប់ នៃរយៈពេលវែងការតស៊ូ ” ។
AFP ផលិត និងចែកចាយមាតិកា ពហុព័ត៌មានដល់អតិថិជន របស់ខ្លួន ជា៦ភាសាជុំវិញ ពិភពលោក បន្ទាប់ពីមានការស្ទាក់ស្ទើ រក្នុងការបង់ប្រាក់ឲ្យកាសែត បារាំង សម្រាប់ការ ប្រើប្រាស់ខ្លឹមសារ របស់ពួកគេ ទីបំផុត Google បានចុះហត្ថលេខា លើកិច្ចព្រមព្រៀង ក្របខ័ណ្ឌរយៈពេល ៣ ឆ្នាំជាមួយសារព័ត៌មាន របស់ប្រទេសមួយចំនួន នៅដើមឆ្នាំ២០១ប៉ុន្តែត្រូវបានពិន័យជាប្រាក់ ៥០០ លានអឺរ៉ូ (៥៦៦ លានដុល្លារ ) ដោយអាជ្ញាធរប្រកួតប្រជែង នៅពាក់កណ្តាលកក្កដា ដោយសារបរាជ័យក្នុងការចរចា “ដោយសុច្ចរិត” ។
Google បានប្តឹងឧទ្ធរណ៍ និងកំពុងបន្តការពិភាក្សា ដើម្បីឈានដល់កិច្ចព្រមព្រៀង ថ្មីមួយ ។ លោក Fries បាននិយាយថា AFP បានតស៊ូ ដើម្បីឲ្យទីភ្នាក់ងារ ព័ត៌មានមាន សិទ្ធិពេញលេញ ដើម្បីទទួលបានអត្ថប្រយោជន៍ ពីកិច្ចព្រមព្រៀង សិទ្ធិប្រទេស ជិតខាង ។ លោកបានបន្ថែមថា កិច្ចព្រមព្រៀង នឹងរួមចំណែកដល់ការផលិតព័ត៌មាន ប្រកបដោយគុណភាព និងការអភិវឌ្ឍន វានុវត្តន៍នៅក្នុងទីភ្នាក់ងារ ៕ ដោយ៖លី ភីលីព
