អាមេរិក៖យោងតាមការចេញផ្សាយពីគេហទំព័រស្គាយញ៉ូវបានប្រាប់ឲ្យដឹងថា អតីតវិស្វករផ្នែកសូហ្វវ៉ែរក្រុមហ៊ុនបច្ចេកវិទ្យាយក្សអាមេរិក Google ៣នាក់បានប្តឹងក្រុមហ៊ុនបច្ចេកវិទ្យាយក្សនេះ ដោយចោទប្រកាន់ថា ខ្លួនបានបំពានកិច្ចសន្យាបុគ្គលិក ដោយមិនគោរពពាក្យសន្យាថែមទៀតផង។
ពាក្យបណ្តឹងនេះត្រូវបានប្តឹងដោយអតីតបុគ្គលិក Rebecca Rivers, Sophie Waldman និង Paul Duke នៅតុលាការរដ្ឋក្នុងសង្កាត់ Santa Clara រដ្ឋ California កាលពីថ្ងៃចន្ទ។ ពួកគេបានចោទប្រកាន់ថា ពួកគេត្រូវបានបណ្តេញចេញពីការងារកាលពី២ឆ្នាំមុនសម្រាប់ការបំពេញកាតព្វកិច្ចកិច្ចសន្យារបស់ពួកគេក្នុងការនិយាយប្រសិនបើពួកគេឃើញ Google រំលោភលើការសន្យា ។
Google ដែលជាក្រុមហ៊ុនមេគឺ Alphabet Inc បានផ្សព្វផ្សាយការសន្យាជាតម្លៃស្នូលអស់រយៈពេលជាង២០ ឆ្នាំមកហើយ ហើយវានៅតែជាផ្នែកមួយនៃក្រមសីលធម៌បុគ្គលិកផ្លូវការរបស់ក្រុមហ៊ុន។ Sky News បានទាក់ទង Google ដើម្បីសុំការអត្ថាធិប្បាយ។ វាធ្លាប់បាននិយាយថា បុគ្គលិកបានបំពានគោលការណ៍សុវត្ថិភាពទិន្នន័យ។
អ្នកទាំង៣បានលើកឡើងពីការព្រួយបារម្ភនៅសាលាក្រុង និងវេទិកាផ្សេងទៀតនៅក្នុង Google អំពីក្រុមហ៊ុន មានសក្តានុពលលក់បច្ចេកវិទ្យា Cloud ទៅឲ្យអាជ្ញាធរអន្តោប្រវេសន៍នៅសហរដ្ឋអាមេរិក នៅពេលនោះកំពុងចូលរួមក្នុងយុទ្ធសាស្ត្រឃុំឃាំងដែលត្រូវបានចាត់ទុកថាជាអមនុស្សធម៌ដោយសកម្មជន៕ដោយ៖លី ភីលីព
