YOKOHAMA ៖ យោងតាមការចេញផ្សាយ ពីគេហទំព័រជប៉ុនធូដេ បានប្រាប់ឲ្យដឹងថា ក្រុមហ៊ុន Nissan Motor Co Ltd ដែលជាក្រុមហ៊ុន រថយន្តយក្សលំដាប់លេខ២ ពិភពលោករបស់ជប៉ុន បានបង្ហាញគំរូយានរុករកលើភពព្រះច័ន្ទ ត្រូវបានបង្កើតឡើង ដោយក្រុមហ៊ុន Japan Aerospace Exploration Agency (JAXA) ។
មជ្ឈមណ្ឌល JAXA Space Exploration Innovation Hub កំពុងធ្វើការស្រាវជ្រាវ លើយានរុករកលើភពព្រះច័ន្ទ ដែលជាបច្ចេកវិទ្យាសំខាន់ សម្រាប់ការរុករកអវកាស ចំណែក Nissan បានធ្វើការជាមួយនឹង JAXA លើការគ្រប់គ្រង ការបើកបរ របស់មនុស្សយន្តអវកាស តាំងពីខែមករា ឆ្នាំ២០២០។ យានរុករកលើភពព្រះច័ន្ទ ត្រូវតែអាចឆ្លងកាត់ផ្ទៃម្សៅ ថ្ម និងផ្ទៃទឹករបស់ព្រះច័ន្ទ ហើយមានប្រសិទ្ធភាពថាមពល។ ជាងនេះទៅទៀត ប្រភពថាមពលសម្រាប់យានជំនិះ ក្នុងលំហមានកម្រិត ។
ការស្រាវជ្រាវរបស់ក្រុមហ៊ុន Nissan អនុវត្តបច្ចេកវិជ្ជាគ្រប់គ្រង ម៉ូទ័រ ដែលខ្លួនបានបង្កើតតាមរយៈការផលិត រថយន្តអគ្គិសនី មានទីផ្សារធំដូចជា LEAF ក៏ដូចជាបច្ចេកវិទ្យាគ្រប់គ្រង កង់ទាំងអស់ e-4ORCE មានលក្ខណៈពិសេសនៅលើប្រភេទ Crossover អគ្គិសនី Ariya ថ្មី ជាពិសេស វាគឺជា e-4ORCE កំពុងបង្កើនសមត្ថភាព របស់យានរុករកលើភពព្រះច័ន្ទ លើដីដែលពិបាក ។
ក្រុមហ៊ុន Nissan បានផ្តោតទៅលើការអភិវឌ្ឍន៍ នៃការអនុវត្តការបើកបរប្រកប ដោយ ស្ថេរភាពអាចឲ្យអតិថិជន បើកបររថយន្តរបស់ពួកគេប្រកប ដោយទំនុកចិត្តកាន់តែខ្លាំង ។ បច្ចេកវិទ្យា e-4ORCE របស់ក្រុមហ៊ុន Nissan គ្រប់គ្រងកង់ទាំងបួនយ៉ាង ជាក់លាក់ដោយឯករាជ្យ ដោយផ្តល់ឲ្យអ្នកបើកបរនូវ ទំនុកចិត្តក្នុងលក្ខខណ្ឌផ្សេងៗ ។ ការស្រាវជ្រាវរួមគ្នាជាមួយ JAXA ក្រុមហ៊ុន Nissan កំពុងវិវឌ្ឍបច្ចេកវិទ្យា e-4ORCE ដើម្បីកែលម្អដំណើរការរបស់វានៅក្នុងដីខ្សាច់ និង លក្ខខណ្ឌដ៏លំបាកផ្សេងទៀត ។
នៅពេលរថយន្តត្រូវបានបើកបរ ក្នុងខ្សាច់ កង់របស់ពួកគេតែងតែបង្វិល និងជីកចូលដោយរារាំង ដល់ដំណើរការរីកចម្រើន។ កម្រិតខ្ពស់នៃជំនាញបើកបរ គឺត្រូវបានទាមទារដើម្បីជៀសវាង ការជាប់គាំង ដើម្បីបំពេញ តម្រូវការនេះ ក្រុមហ៊ុន Nissan បានបង្កើតការគ្រប់គ្រងកម្លាំង បើកបរដែលកាត់បន្ថយចំនួន នៃការបង្វិលកង់ដោយអនុលោម តាមលក្ខខណ្ឌផ្ទៃ ៕ដោយ៖លី ភីលីព
