សេនហ្វ្រេនស៊ីស្កូ៖ ក្រុមហ៊ុនបាននិយាយថា Meta ជាក្រុមហ៊ុនមេ របស់បណ្តាញផ្សព្វផ្សាយសង្គមយក្សអាមេរិក Facebook និង Instagram នឹងផ្តល់ឲ្យអ្នកបង្កើតមាតិកានូវឱកាសដើម្បីលក់វត្ថុនិម្មិត ទៅឲ្យអ្នកប្រើប្រាស់សម្រាប់ Horizon Worlds ជាវេទិកាសំខាន់របស់ខ្លួន នៅលើ Metaverse យោងតាមការចេញផ្សាយ ពីគេហទំព័រជប៉ុនធូដេ។
ក្រុមបច្ចេកវិទ្យា នៃរដ្ឋកាលីហ្វ័រញ៉ា បាននិយាយក្នុងសេចក្តីប្រកាសព័ត៌មានមួយថា នរណាម្នាក់អាចផលិត និងលក់គ្រឿងបន្លាស់ដែលអាចភ្ជាប់ បានសម្រាប់ពិភពម៉ូដ ឬផ្តល់នូវការចូលទៅកាន់ផ្នែកថ្មី នៃពិភពលោក។ Metaverse ត្រូវបានលើកឡើងដោយ Meta និងក្រុមហ៊ុនផ្សេងទៀតថា ជាអនាគតនៃអ៊ីនធើណេត មានសំណុំនៃ “សកល” ស្របគ្នាដែលត្រូវបានចូលប្រើជាចម្បងតាមរយៈ Augmented និង Virtual Reality Platforms ។
វាមានរួចហើយនៅលើវិធីជាមូលដ្ឋាន ក្នុងទម្រង់នៃវីដេអូហ្គេមដូចជា Minecraft, Fortnite និង Roblox និងវេទិកាសង្គមដូចជា Horizon Worlds និង VRChat ដែលមនុស្សមកជាមួយគ្នាមិនត្រឹមតែ ដើម្បីលេងប៉ុណ្ណោះទេ ប៉ុន្តែថែមទាំងដើម្បីប្រាស្រ័យទាក់ទង និងចូលរួមសម្រាប់ព្រឹត្តិការណ៍ផងដែរ។ Meta ទទួលប្រាក់ចំណូលរបស់វា ពឹងផ្អែកច្រើនលើសលប់លើការផ្សាយពាណិជ្ជកម្ម តាមគោលដៅទ្រង់ទ្រាយធំ បានធ្វើឲ្យវាបេសកកម្មរបស់ខ្លួន នៃការរួមចំណែកយ៉ាងសំខាន់ដល់ការលេចចេញនៃ Metaverse ហើយកំពុងឈរជើងនៅក្នុងសមរភូមិ បន្ទាប់សម្រាប់ការយកចិត្តទុកដាក់របស់សាធារណជន។
ដល់ទីបញ្ចប់ បណ្តាញទំនាក់ទំនងសង្គមយក្ស កំពុងស្វែងរកការទាក់ទាញអ្នកបង្កើតមាតិកា ដែលទំនងជាទាក់ទាញអ្នកប្រើប្រាស់ថ្មីៗបន្ថែមទៀត។ យោងតាមក្រុមហ៊ុន បានឲ្យដឹងថា វាបានបង្កើតឡើង នូវមូលនិធិ ១0 លានដុល្លារសម្រាប់អ្នកបង្កើតនៅលើ Horizon កាលខែតុលា ជាកន្លែងដែលមានពិភពលោកច្រើនជាង ១0,000 រួចហើយ។
Meta បានបន្តថា យើងកំពុងចាប់ផ្តើមវានៅថ្ងៃនេះ ជាការសាកល្បងជាមួយ អ្នកបង្កើតមួយចំនួនតូច ដើម្បីទទួលបានមតិកែលម្អរបស់ពួកគេ ប្រភេទឧបករណ៍ទាំងនេះ គឺជាជំហានឆ្ពោះទៅរកចក្ខុវិស័យ រយៈពេលវែងរបស់យើងសម្រាប់ Metaverse ដែលអ្នកបង្កើតអាចរកប្រាក់ចំណូលបាន ហើយមនុស្សអាចទិញទំនិញ សេវាកម្មឌីជីថល និងបទពិសោធន៍៕ ដោយ៖លី ភីលីព
