ស៊ីដនី៖ ទូរទស្សន៍សិង្ហបុរី Channel News Asia បានផ្សព្វផ្សាយកាលពីល្ងាចថ្ងៃទី២៦ ខែមិថុនា ឆ្នាំ២០២២ថា អង្គការNASA នឹងបាញ់បង្ហោះរ៉ុក្កែត ចេញពីទីរហោស្ថានដាច់ស្រយាល នៃភាគខាងជើង នៃប្រទេសអូស្ត្រាលី កាលពីល្ងាចថ្ងៃអាទិត្យ ដែលជាការបាញ់បង្ហោះ យានអវកាសពាណិជ្ជកម្មដំបូងគេ ក្នុងប្រទេសអូស្ត្រាលី និងជាលើកដំបូង របស់ទីភ្នាក់ងារនេះ ពីច្រកអវកាសពាណិជ្ជកម្ម ។
គ្រាប់រ៉ុក្កែត suborbital នឹងអាចមើលឃើញ ក្នុងរយៈពេលខ្លីមួយវិនាទី បន្ទាប់ពីការបាញ់បង្ហោះ ដែលគ្រោងនឹងធ្វើឡើង នៅម៉ោង១០និង៤៤នាទីយប់ ត្រូវនឹងម៉ោង៩និង៤៤នាទីម៉ោងនៅសិង្ហបុរី ម៉ោងស្តង់ដារកណ្តាល របស់អូស្ត្រាលី ហើយនឹងធ្វើដំណើរក្នុងចម្ងាយ៣០០គីឡូម៉ែត្រ ទៅកាន់ទីអវកាស ។
ទេសភាពអូស្ត្រាលីស្ងួត និងភាពស្និទ្ធស្នាលរបស់វាទៅនឹងខ្សែអេក្វាទ័រ ផ្តល់នូវលក្ខខណ្ឌដ៏ល្អប្រសើរ សម្រាប់ការបាញ់បង្ហោះ ក្នុងលំហអាកាស នេះបើតាមលោក Brad Tucker តារាវិទូនៃសាកលវិទ្យាល័យជាតិអូស្ត្រាលី ដែលនឹងមានចម្ងាយ៤០០ម៉ែត្រ ពីកន្លែងបាញ់បង្ហោះ នៅមជ្ឈមណ្ឌលអវកាស Arnhem ។
លោកបានបញ្ជាក់ថា “នៅ១២ដឺក្រេនៅ Arnhem អ្នកមិនទទួលបានកន្លែងជាច្រើននៅជិតខ្សែអេក្វាទ័រទេ។ ជាពិសេសអ្នកមិនចូលទៅជិតខ្សែអេក្វាទ័រ ដែលអ្នកអាចទទួលបានខ្យល់ស្ងួត និងមានស្ថិរភាព។ រដ្ឋផ្លរីដា ជាកន្លែងដែល Cape Canaveral គឺជាប្រភេទវាលភក់។ គាត់បាននិយាយដោយសំអាង លើមជ្ឈមណ្ឌលអវកាស Kennedy របស់អង្គការ NASA។
ទីភ្នាក់ងារអវកាសអាមេរិក ជាផ្លូវការ រដ្ឋបាលអាកាសចរណ៍ និងអវកាសជាតិ (NASA) បានបញ្ជាក់ថា ការបាញ់បង្ហោះ៣ដង ពីមជ្ឈមណ្ឌលអវកាស Arnhem ក្នុងខែមិថុនា និងខែកក្កដា នឹងជួយឱ្យអង្គការស្វែងយល់ ពីរបៀបដែលពន្លឺរបស់ផ្កាយអាចមានឥទ្ធិពលលើការរស់នៅ របស់ភពមួយ ។
អង្គការ NASA បានឲ្យដឹង នៅក្នុងសេចក្តីថ្លែងការណ៍មួយថា បេសកកម្មនៅថ្ងៃអាទិត្យនឹងផ្ទុកឧបករណ៍រាវរក ដើម្បីវាស់កាំរស្មី X ដែលផលិតដោយឧស្ម័នក្តៅ ដែលបំពេញចន្លោះរវាងផ្កាយ ដើម្បីជួយសិក្សាពីរបៀប ដែលពួកគេមានឥទ្ធិពលលើការវិវត្តនៃកាឡាក់ស៊ី ៕ ប្រែសម្រួលដោយ៖ ម៉ៅ បុប្ផាមករា
