ចិន៖មន្ត្រីបាននិយាយថា វិស័យវិទ្យាសាស្ត្រ និងបច្ចេកវិទ្យារបស់ប្រទេសចិនបានមើលឃើញការផ្លាសប្តូរ យ៉ាងជ្រាលជ្រៅក្នុងទសវត្សរ៍កន្លងមក ត្រូវបានកំណត់ដោយការទម្លាយដើមកាន់តែច្រើនលើបច្ចេកវិទ្យាស្នូល ទិន្នផលសិក្សាកាន់តែខ្ពស់ទាំងបរិមាណ និងគុណភាព ហើយសន្មត់ថាមានតួនាទីធំជាងក្នុងការគាំទ្រ សេដ្ឋកិច្ចជាតិយោងតាមការចេញផ្សាយពីគេហទំព័រឆៃណាឌៀ យោងតាមអង្គការកម្មសិទ្ធិបញ្ញាពិភពលោកបានឲ្យដឹងថា ចំណាត់ថ្នាក់របស់ប្រទេសក្នុងសន្ទស្សន៍ច្នៃប្រឌិតសកលបានកើនឡើងពីចំណាត់ថ្នាក់ទី ៣៤ កាលឆ្នាំ២០១២ ដល់ទី១១ នៅឆ្នាំ ២០២២។ ទន្ទឹមនឹងនេះ ការិយាល័យស្ថិតិជាតិបាននិយាយថា ការចំណាយលើការស្រាវជ្រាវ និងអភិវឌ្ឍន៍ក្នុងស្រុកសរុបរបស់ប្រទេសបានកើនឡើងពី ១.០៣ពាន់ពាន់លានយន់ (១៤៧.១ពាន់លានដុល្លារ)ក្នុងឆ្នាំ ២០១២ដល់ជាង ២.៧៩ពាន់ពាន់លានយន់កាលពីឆ្នាំមុន នៅពេលថវិកាស្រាវជ្រាវ និងអភិវឌ្ឍន៍មូលដ្ឋានបានឈានដល់កំណត់ត្រា ១៨១.៧ពាន់លានយន់ខ្ពស់ជាងឆ្នាំ ២០១២ ៣.៤ ដង។
យោងតាមក្រសួងវិទ្យាសាស្ត្រ និងបច្ចេកវិទ្យានិយាយថា ប្រទេសចិនក៏មានកម្លាំងស្រាវជ្រាវដ៏ធំបំផុតរបស់ពិភពលោកជាមួយនឹងបុគ្គលិកពេញម៉ោងប្រហែល ៥.៦២ លាននាក់កាលពីឆ្នាំមុន កើនឡើង ១.៧ ដងបើធៀបនឹងឆ្នាំ ២០១២។ ថ្លែងនៅក្នុងសន្និសីទសារព័ត៌មានកាលពីខែមិថុនា លោក Wang Zhigang រដ្ឋមន្ត្រីក្រសួងវិទ្យាសាស្ត្រ និងបច្ចេកវិទ្យា បាននិយាយថា សូចនាករវិទ្យាសាស្ត្រទាំងនេះបង្ហាញថា ប្រទេសចិនបានក្លាយទៅជាប្រទេសដែលមានគំនិតច្នៃប្រឌិត។
ទោះជាយ៉ាងណាក៏ដោយ លោក Wang បានកត់សម្គាល់ថា ប្រទេសចិននៅមានចំណុចខ្វះខាតជាច្រើនក្នុងការបង្កើតរបកគំហើញដើម ការបណ្តុះបណ្តាលទេពកោសល្យដែលមានគុណភាពខ្ពស់ និងការទទួលបានបច្ចេកវិទ្យាសំខាន់ៗ និងស្នូល៕
ដោយ៖លី ភីលីព
