ប្រទេសចិន នៅតែបន្តបាញ់បង្ហោះ ផ្កាយរណបទំនាក់ទំនងថ្មី ទៅកាន់តារាវិថីថែមទៀតហើយ

ក្រុងស៊ីឈាង៖​ យោងតាមការចេញផ្សាយ ពីគេហទំព័រឆៃណាឌៀលី បានប្រាប់ឲ្យដឹងថា ប្រទេសចិនកាលពីថ្ងៃសៅរ៍ បានបញ្ជូនផ្កាយរណបទំនាក់ទំនងថ្មីមួយ ទៅកាន់តារាវិថីពីមជ្ឈមណ្ឌល បាញ់បង្ហោះផ្កាយរណប ស៊ីឈាង ក្នុងខេត្ត Sichuan ភាគនិរតីនៃប្រទេសចិន។

ផ្កាយរណប “ChinaSat 19” ត្រូវបានបាញ់បង្ហោះនៅម៉ោង ៧:៥០ នាទីយប់ (ម៉ោងនៅទីក្រុងប៉េកាំង) ដោយរ៉ុក្កែត Long March-3B ។ ផ្កាយរណបនេះនឹងផ្តល់សេវាកម្មទំនាក់ទំនង ជាចម្បងសម្រាប់ផ្លូវសំខាន់ៗ ឆ្លងកាត់មហាសមុទ្រប៉ាស៊ីហ្វិក មហាសមុទ្រប៉ាស៊ីហ្វិកខាងកើត និងឆ្នេរសមុទ្រភាគខាងលិច នៃអាមេរិកខាងជើង។

ការបាញ់បង្ហោះនេះ គឺជាបេសកកម្មលើកទី ៤៤៧ នៃស៊េរីរ៉ុក្កែត Long March ៕ ដោយ៖លី ភីលីព