វិស័យបម្រើសេវាអតិថិជន (Customer Engagement) និងការទំនាក់ទំនងឆ្លាតវៃដោយបញ្ញាសិប្បនិមិត្ត (AI) នៅកម្ពុជា បានបោះជំហានទៅមុខបន្ថែមទៀត ដោយសារកិច្ចសហការរវាងក្រុមហ៊ុន Exotel ដែលជាភ្លែតហ្វមបម្រើសេវាអតិថិជនឈានមុខគេនៅទីផ្សារកំពុងរីកចម្រើន ជាមួយនិងក្រុមហ៊ុន Ezecomដែលជាក្រុមហ៊ុនផ្តល់សេវាអ៊ិនធឺណិត (ISP) លំដាប់ខ្ពស់ឈានមុខគេមួយនៅប្រទេសកម្ពុជា និងជាក្រុមហ៊ុនបុត្រសម្ព័ន្ធរបស់ក្រុមហ៊ុនរូយ៉ាល់គ្រុប។
កិច្ចសហប្រតិបត្តិការនេះ មានការរំពឹងទុកថានឹងជំរុញប្រសិទ្ធភាពប្រតិបត្តិការទូទៅ និងរក្សាអតិថិជនសម្រាប់ក្រុមហ៊ុនក្នុងស្រុក ជំរុញឱ្យក្រុមហ៊ុននានាផ្លាស់ប្តូរការទំនាក់ទំនងអតិថិជនរបស់ពួកគាត់ទៅជាការប្រើ សេវាខ្លោដឯកជនដែលស្ថិតនៅក្នុងព្រះរាជាណាចក្រកម្ពុជា។ តាមរយៈការផ្លាស់ប្តូរទៅកាន់សេវាខ្លោដនេះ ក្រុមហ៊ុនក្នុងស្រុកនឹងទទួលបានអត្ថប្រយោជន៍ពីការធ្វើឱ្យសេវាបម្រើអតិថិជនកាន់តែប្រសើរឡើង បង្កើតដំណើរការដែលកាន់តែមានប្រសិទ្ធភាព រក្សាបានអតិថិជនរបស់ខ្លួនតាមរយៈការបង្កើនការពេញចិត្តរបស់អតិថិជន ខណៈពេលដែលអនុលោមតាមបទប្បញ្ញត្តិក្នុងស្រុកស្តីពីអភិបាលកិច្ចទិន្នន័យអតិថិជន។
អត្ថប្រយោជន៍មួយចំនួននៃការប្រើប្រាស់ភ្លែតហ្វមទំនាក់ទំនងរបស់ក្រុមហ៊ុន Exotel រួមមានការដំឡើងបណ្តាញរង់ចាំសម្រាប់ការហៅទូរស័ព្ទចូល (call-routing) ការថតការហៅទូរស័ព្ទ (call-recording) និងការវិភាគការហៅទូរស័ព្ទ (call-analytic) បង្កើតមណ្ឌលសេវាបម្រើអតិថិជននិម្មិត ដំណើរការឧបករណ៍ហៅទូរស័ព្ទដោយស្វ័យប្រវត្តិ (automated dialer) សម្រាប់ក្រុមការងារផ្នែកលក់ រួមបញ្ចូលឧបករណ៍និងសូហ្វវែរពាក់ព័ន្ធនឹងការលក់ និងដាក់ដំណើរការសេវាការឆ្លើយតបជាសំឡេងនិងការផ្ទេរការហៅទូរស័ព្ទ។ លើសពីនេះទៀត ផលិតផលនេះគឺជាដំណោះស្រាយមណ្ឌលបម្រើអតិថិជនរួមមួយ ដែលភ្ជាប់ទៅកាន់ចំណុចទំនាក់ទំនងទៅកាន់អតិថិជនឌីជីថលទាំងអស់ ដែលបង្កើតប្រសិទ្ធភាពការងារនៅក្នុងមណ្ឌលទំនាក់ទំនងអតិថិជន។ ជាមួយនឹងការផ្តល់ជូនផលិតផលរបស់ក្រុមហ៊ុន Exotel នៅលើខ្លោដឯកជនផ្ទាល់របស់ក្រុមហ៊ុន Ezecom ក្នុងប្រទេសកម្ពុជា មានការធានាថា ទិន្នន័យអតិថិជនទាំងអស់នឹងមានសុវត្ថិភាព និងស្ថិតនៅក្នុងប្រទេសកម្ពុជា។
លោកស្រី Yuni Lee Heathcote អគ្គនាយិកាក្រុមហ៊ុន Ezecomមានប្រសាសន៍ថា៖ «បទពិសោធសេវាបម្រើអតិថិជនដ៏ល្អឥតខ្ចោះ គឺជាផ្នែកដ៏សំខាន់មួយនៃតម្លៃអាជីវកម្មសម្រាប់ការប្រកួតប្រជែង។ វិសាលភាពនេះមាននៅទូទាំងឧស្សាហកម្មចម្រុះ រាប់ពីឧស្សាហកម្មហិរញ្ញវត្ថុរហូតដល់ឧស្សាហកម្មពាណិជ្ជកម្មអេឡិចត្រូនិក បដិសណ្ឋារកិច្ច និងសូម្បីតែរាជរដ្ឋាភិបាលផងដែរ»។
លោកស្រីបានបន្ថែមថា៖ «ភ្លែតហ្វមខ្លោដសេវាបម្រើអតិថិជនដែលដំណើរការដោយបច្ចេកវិទ្យាបញ្ញាសិប្បនិមិត្ត (AI) អាចឱ្យអ្នកដឹកនាំក្រុមហ៊ុនអាជីវកម្មបង្កើតជាគំរូ CX ដែលអាចព្យាករបានជាជាងប្រតិកម្មតបនាពេលក្រោយ។ ការធ្វើបែបនេះនឹងធ្វើឱ្យប្រសើរឡើងយ៉ាងខ្លាំងនូវបទពិសោធរបស់អតិថិជន និងកំណើនអាជីវកម្ម ប៉ុន្តែក៏មានការរក្សាបុគ្គលិកផងដែរ ខណៈពេលដែលសមត្ថភាពឌីជីថលកើនឡើង»។
លោកស្រីបន្តថា៖ «នេះគឺជានិន្នាការដែលកើនឡើងនៅទូទាំងតំបន់ និងទូទាំងពិភពលោក ដែលអ្នកទទួលយកបច្ចេកវិទ្យាទាំងនេះទៅប្រើប្រាស់មុនគេបង្កើតតម្លៃអាជីវកម្មខ្លាំងជាងគេ និងទទួលបានគុណតម្លៃពីអតិថិជន។ នៅក្រុមហ៊ុន Ezecom យើងតែងតែគិតទុកជាមុនសម្រាប់អតិថិជន និងធានាថា ភ្លែតហ្វមឌីជីថលរបស់យើងជួយដល់អាជីវកម្មរបស់ពួកគេឱ្យរីកចម្រើនទៅមុខ»។
យោងតាមរបាយការណ៍ថ្មីៗដែលចេញផ្សាយដោយនិយតករទូរគមនាគមន៍កម្ពុជា ប្រទេសកម្ពុជាមានអ្នចុះឈ្មោះប្រើប្រាស់អ៊ិនធឺណិតជាង ១៧,៦លាននាក់គិតត្រឹមខែតុលា ឆ្នាំ២០២១។ បន្ថែមពីលើនេះ យោងតាមរបាយការណ៍ដដែលនេះ មានអ្នកចុះឈ្មោះប្រើប្រាស់សេវាទូរស័ព្ទចំនួន ២០លាននាក់។ ការប្រើប្រាស់សារជាសំឡេង (Voice) នៅតែជាមធ្យោបាយសំខាន់សម្រាប់អតិថិជនដើម្បីធ្វើការទំនាក់ទំនង ឱ្យសម្រេចបានការតភ្ជាប់ទំនាក់ទំនង និងការតភ្ជាប់ផ្ទាល់ខ្លួន។
លោក Binzad Aliar អគ្គនាយករងផ្នែកលក់របស់ក្រុមហ៊ុនExotel ទទួលបន្ទុកទីផ្សារថ្មី និងទីផ្សាររួមគ្នានៅតំបន់មជ្ឈឹមប្រទេស អាស៊ីប៉ាស៊ីហ្វិច និងទីផ្សារអឺរុប មានប្រសាសន៍ថា «ក្រុមហ៊ុន Ezecom នឹងក្លាយជាដៃគូក្លោដ ដែលនឹងនាំយកនូវ ដំណោះស្រាយ Cloud ECC/AI មកទីផ្សារកម្ពុជា។ ជាមួយនឹងភាពជាដៃគូនេះ យើងគ្រោងនឹងពង្រីកទៅកាន់អតិថិជនគោលដៅអោយកាន់តែច្រើន និងជួយសម្រួលអោយអតិថិជនអាចមានលទ្ធភាពប្រើប្រាស់ រួមទាំងផ្តល់ភាពងាយស្រួលសម្រាប់សហគ្រាសខ្នាមមធ្យម និងធំ»។
យោងតាមក្រុមហ៊ុន Exotel ប្រព័ន្ធទំនាក់ទំនងរបស់ក្រុមហ៊ុន Exotel មានភាពល្អប្រសើរសម្រាប់កម្មវិធីជាច្រើនរាប់ចាប់ពីកម្មវិធីគាំទ្រមណ្ឌលសេវាបម្រើអតិថិជនដែលមានភ្នាក់ងារចំនួន ៥នាក់រហូតដល់ការតភ្ជាប់ភ្នាក់ងាររាប់ម៉ឺននាក់ដែលមាននៅក្នុងមណ្ឌលទំនាក់ទំនង។ កិច្ចសហប្រតិបត្តិការរវាងក្រុមហ៊ុន Exotel និងក្រុមហ៊ុន Ezecom រំពឹងថានឹងផ្តល់អត្ថប្រយោជន៍ដល់វិស័យពាណិជ្ជកម្មអេឡិចត្រូនិក និង MFI ដែលកំពុងរីកចម្រើនយ៉ាងឆាប់រហ័សរបស់កម្ពុជា និងដើម្បីជួយជំរុញឌីជីថលនីយកម្មរបស់ក្រុមហ៊ុននានានៅទូទាំងប្រទេស។
សម្រាប់ព័ត៌មានបន្ថែម សូមចូលទៅកាន់៖ Use-Cases – Global (exotel.com)៕
អំពីក្រុមហ៊ុន Exotel
ក្រុមហ៊ុន Exotel គឺជាប្រតិបត្តិករផ្តល់សេវាភ្លែតហ្វមទំនាក់ទំនងអតិថិជនឈានមុខគេនៅទីផ្សារកំពុងរីកចម្រើន និងប្រតិបត្តិករទូរគមនាគមន៍និម្មិតដែលផ្តោតលើតម្រូវការរបស់ក្រុមហ៊ុនអាជីវកម្ម។ បង្កើតឡើងក្នុងឆ្នាំ២០១១ ផលិតផលដែលមានមូលដ្ឋានលើខ្លោដលំដាប់ពិភពលោករបស់ក្រុមហ៊ុន Exotel បម្រើសេវាទំនាក់ទំនងអតិថិជន ៥០លានក្នុងមួយថ្ងៃសម្រាប់ក្រុមហ៊ុនជាង ៦០០០ នៅក្នុងប្រទេសឥណ្ឌា តំបន់អាស៊ីអាគ្នេយ៍ មជ្ឈិមបូព៌ា និងអាហ្វ្រិក។ សព្វថ្ងៃនេះ ក្រុមហ៊ុនដែលរីកចម្រើនលឿនបំផុតមួយចំនួននៅក្នុងទីផ្សារដែលកំពុងរីកចម្រើន (ក្រុមហ៊ុន Ola ក្រុមហ៊ុន Swiggy ក្រុមហ៊ុន Flipkart ក្រុមហ៊ុន GoJek ក្រុមហ៊ុន Byju’s ក្រុមហ៊ុន Urban Company ក្រុមហ៊ុន HDFC Bank ក្រុមហ៊ុន Zomato ក្រុមហ៊ុន Oyo ជាដើម) គ្រប់គ្រងការងារទំនាក់ទំនងអតិថិជនរបស់ខ្លួនជាមួយនឹងមណ្ឌលទំនាក់ទំនង omnichannel របស់ក្រុមហ៊ុន Exotel ដែលជាកម្មវិធីទំនាក់ទំនង APIs និងភ្លែតហ្វមសន្ទនាប្រើប្រាស់បច្ចេកវិទ្យា AI នៅលើខ្លោដ។ ក្រុមហ៊ុនទាំងនេះគឺជាប្រភេទក្រុមហ៊ុនក្នុងថ្នាក់ Series D ដែលមានលទ្ធភាពប្រមូលមូលនិធិ ១០០លានដុល្លារ និងមានប្រាក់ចំណូលប្រចាំឆ្នាំ (ARR) ចំនួន ៥០លានដុល្លារ។
សម្រាប់ព័ត៌មានបន្ថែម សូមចូលទៅកាន់គេហទំព័រ exotel.com៕
