ចិន៖ ក្រុមហ៊ុនបច្ចេកវិទ្យាតៃវ៉ាន់មួយ ដែលផលិតគ្រឿងបន្លាស់ សម្រាប់សារធាតុដើមនិយាយថា អតិថិជនមានការព្រួយបារម្ភ អំពីសន្តិសុខរបស់កោះនេះ ខណៈក្រុមស្រាវជ្រាវ ប៉ាន់ស្មានថា ការឈ្លានពានរបស់ចិន នឹងប៉ះពាល់ដល់ពាណិជ្ជកម្ម មានតម្លៃ ២ ពាន់លានដុល្លា យោងតាមការចេញផ្សាយ ពីគេហទំព័រស្គាយញ៉ូវ។
នេះបើយោងតាមនាយកប្រតិបត្តិ នៃក្រុមហ៊ុនដ៏សំខាន់បំផុតមួយ ពាក់ព័ន្ធនឹងការផលិតបន្ទះសៀគ្វីដ៏សំខាន់ បាននិយាយថា ប្រសិនបើប្រទេសចិន ឈ្លានពានតៃវ៉ាន់ នឹងមានផលប៉ះពាល់ធំ នៅទូទាំងសង្វាក់ផ្គត់ផ្គង់បច្ចេកវិទ្យាខ្ពស់សកល ក្នុងរយៈពេលប៉ុន្មានសប្តាហ៍។
ថ្លែងទៅកាន់ Sky News លោក Doris Hsu នាយកប្រតិបត្តិនៃក្រុមហ៊ុន GlobalWafers មានមូលដ្ឋាននៅតៃវ៉ាន់ ក៏បាននិយាយថា អតិថិជនមានការព្រួយបារម្ភជាច្រើន អំពីចេតនារបស់ចិនក្នុងតៃវ៉ាន់ ហើយវាជាហេតុផលមួយ ដែលក្រុមហ៊ុនបានជ្រើសរើស ទីតាំងរោងចក្រថ្មីរបស់ខ្លួន នៅរដ្ឋតិចសាស់។
ភាពតានតឹងកើនឡើង នៅទូទាំងច្រកសមុទ្រតៃវ៉ាន់ បាននាំឲ្យមានការព្រួយបារម្ភថា ក្រុមហ៊ុននឹងស្វែងរកការការពារខ្លួន ដោយការដកខ្លួនចេញពីកោះគ្រប់គ្រងដោយខ្លួនឯង ហើយចិនមើលឃើញថា ជាការវិនិយោគផ្ទាល់របស់ខ្លួន និងដឹកនាំការវិនិយោគ រយៈពេលវែងនៅកន្លែងផ្សេង។
តៃវ៉ាន់គឺជាអ្នកដើរតួយ៉ាងសំខាន់ ក្នុងការអភិវឌ្ឍបច្ចេកវិទ្យា និងការផលិត ជាពិសេសឧបករណ៍អេឡិចត្រូនិក។ Semiconductors គឺជាមីក្រូឈីបដ៏សំខាន់ ត្រូវបានពិពណ៌នាថា ជាខួរក្បាលក្នុងគ្រឿងអេឡិចត្រូនិចទំនើប។ ពួកគេផ្តល់ថាមពលដល់អ្វីៗ គ្រប់យ៉ាងចាប់ពីយន្តហោះ និងឧបករណ៍ប្រើប្រាស់ រហូតដល់រថយន្ត និងស្មាតហ្វូន៕ ដោយ៖លី ភីលីព
