វ៉ាស៊ីនតោន៖ នេះបើតាមលេខាធិការសារព័ត៌មាន លោកស្រី Karine Jean-Pierre បាននិយាយថា ប្រធានក្រុមហ៊ុន Tesla លោក Elon Musk បានជួបជាមួយមន្ត្រីជាន់ខ្ពស់សេតវិមាន កាលពីម្សិលមិញ ដើម្បីពិភាក្សាអំពីការជំរុញ របស់រដ្ឋបាលលោក Biden ក្នុងការបង្កើនទីផ្សាររថយន្តអគ្គិសនី យោងតាមការចេញផ្សាយពីគេហទំព័រឌឺវីប៊ីស ។
លោក Musk នាពេលខ្លះមានទំនាក់ទំនងយ៉ាងបើកចំហ ជាមួយប្រធានាធិបតី Joe Biden បានជួបអ្នកសម្របសម្រួល ការអភិវឌ្ឍន៍ហេដ្ឋារចនាសម្ព័ន្ធ លោក Mitch Landrieu និងទីប្រឹក្សាថាមពលស្អាត John Podesta ។ លោកស្រី Jean-Pierre បាននិយាយថាពួកគេ បានពិភាក្សាអំពីអគ្គិសនី និងច្បាប់ហេដ្ឋារចនាសម្ព័ន្ធ និងច្បាប់កាត់បន្ថយអតិផរណាអាចជំរុញ EVs និងបង្កើនការប្រើប្រាស់អគ្គិសនី ឲ្យកាន់តែទូលំទូលាយ ដោយសំដៅទៅលើផ្នែកសំខាន់ពីរ នៃច្បាប់ដែលបានអនុម័ត ក្រោមការឧបត្ថម្ភធន និងការលើកទឹកចិត្តក្នុងការជំរុញថាមពលស្អាត រថយន្តអគ្គិសនី និងហេដ្ឋារចនាសម្ព័ន្ធទូទៅ។
លោក Jean-Pierre បាននិយាយថា លោក Biden មិនបានជួបជាមួយលោក Musk ទេ ប៉ុន្តែវាសំខាន់ណាស់ ដែលសមាជិកជាន់ខ្ពស់ នៃក្រុមរបស់លោកមានការប្រជុំ។
សហគ្រិនមហាសេដ្ឋីរូបនេះ កាន់កាប់កន្លែងមិនធម្មតាមួយ នៅចំនុចប្រសព្វនៃឧស្សាហកម្មទំនើប និងនយោបាយជាមួយនឹងភាពជាម្ចាស់ នៃម៉ាកយីហោ EV ដ៏ល្បីបំផុតរបស់ប្រទេស គម្រោងអវកាស និង Twitter ។
ជារឿយៗលោកមានការច្របូកច្របល់ ជាមួយរដ្ឋបាលលោក Biden ហើយបានប្រើ Twitter ដើម្បីទទួលយកចំណុចនិយាយខាងស្ដាំ។ លោកបាននិយាយថា លោកបានជួបជាមួយ ប្រធានសភាសាធារណៈរដ្ឋ Kevin McCarthy និងមេដឹកនាំជនជាតិភាគតិច Hakeem Jeffries ខណៈសភាស្វែងរកការទប់ស្កាត់សក្តានុពល នៅលើវេទិកាប្រព័ន្ធផ្សព្វផ្សាយសង្គម៕ ដោយ៖លី ភីលីព
