ក្រុមហ៊ុន Qualcomm បានប្រកាសក្នុងព្រឹត្តិការណ៍ Mobile World Congress 2023 ថា ខ្លួនបានចាប់ដៃគូជាមួយក្រុមហ៊ុន Thales និង Vodafone ក្នុងការអភិវឌ្ឍបច្ចេកវិទ្យា iSIM (Integrated SIM) ជាលើកដំបូងបង្អស់ ពោលគឺស្មាតហ្វូន ដែលបំពាក់ឈីបជំនាន់ក្រោយ Snapdragon 8 Gen 2 នឹងអាចប្រើ iSIM បាន។
iSIM គឺជាបច្ចេកវិទ្យាជំនាន់ក្រោយមួយ ដែលកន្លែងមុខងារស៊ីមកាត គឺត្រូវដាក់បញ្ចូលផ្ទាល់ ក្នុងឈីបរបស់ស្មាតហ្វូនតែម្តង។ បច្ចេកវិទ្យានេះ នឹងជួយធ្វើឱ្យស្មាតហ្វូនមានកន្លែងទំនេរកាន់តែធំ ដែលក្រុមហ៊ុនផលិត កាត់បន្ថយការចំណាយ និងអាចដាក់ថ្មកាន់តែធំជាងមុន ក៏ដូចជាអាចបន្ថែមគ្រឿងបង្គុំផ្សេងៗ។ វាក៏សមស្របសម្រាប់ការបំពាក់ នៅក្នុងឧបករណ៍អេឡិចត្រូនិចតូចៗ ហើយកាន់តែមានសុវត្ថិភាព ទិន្នន័យជាងមុនផងដែរ។
រូបភាពខាងក្រោមនេះ បង្ហាញពីការវិវត្តទំហំស៊ីម ចាប់ពីប្រភេទ Mini SIM រហូតដល់ iSIM៖
ការដឹកជញ្ជូន iSIM ត្រូវបានរំពឹងថា នឹងឈានដល់ចំនួន៣០០ ត្រឹមឆ្នាំ២០២៧។
ទោះយ៉ាងណាក្តី ស្មាតហ្វូនដែលប្រើប្រាស់ eSIM ត្រូវបានសង្កេតឃើញថា មិនទាន់មានច្រើននៅឡើយទេ មកដល់ពេលនេះ។ ប៉ុន្តែវាចាប់ផ្តើមកាន់តែពេញនិយមក្នុងការប្រើប្រាស់ បន្ទាប់ពី Apple បានបញ្ចេញ iPhone 14 ដែលប្រើ eSIM សុទ្ធ៕
