អាមេរិក៖នេះយោងតាមការចេញផ្សាយពីគេហទំព័រ MSN បានប្រាប់ឲ្យដឹងថា លោក Elon Musk ហាក់ដូចជាចង់ឲ្យសញ្ញានៅខាងក្រៅទីស្នាក់ការកណ្តាលរបស់ Twitter នៅទីក្រុង San Francisco ដោយប្រើពាក្យថា “Titter” ហើយលោកបានត្រៀមខ្លួនរួចជាស្រេចដើម្បីធ្វើយ៉ាងណាឲ្យវាកើតឡើង។
នៅលើ tweet កាលពីថ្ងៃអាទិត្យ នាយកប្រតិបត្តិនៃវេទិកាប្រព័ន្ធផ្សព្វផ្សាយសង្គមបានបង្ហោះរូបភាពនៃសញ្ញាដែលមានអក្សរ W លាបជាពណ៌ស ដូច្នេះវានឹងបញ្ចូលគ្នាជាមួយផ្ទៃខាងក្រោយ។ លោក Musk បានសរសេរក្នុងចំណងជើងរបស់លោកថា ម្ចាស់ផ្ទះរបស់យើងនៅ SF HQ និយាយថា យើងត្រូវស្របច្បាប់ក្នុងការរក្សាសញ្ញាជា Twitter ហើយមិនអាចលុប ‘W’ បានទេ ដូច្នេះយើងលាបពណ៌ផ្ទៃខាងក្រោយ ដែលជាបញ្ហាត្រូវបានដោះស្រាយ។
នេះបើយោងតាមរូបថតនៃអគារបានបង្ហោះចូលទៅក្នុងវេទិកាដោយអ្នកប្រើប្រាស់ Twitter ជាច្រើនបានប្រាប់ឲ្យដឹងថា គ្រោងការណ៍របស់លោក Musk ដើម្បីផ្លាស់ប្តូរសញ្ញា “Twitter” ទៅ “Titter” ហាក់ដូចជាបានដំណើរការអស់រយៈពេលៗឬ៣ថ្ងៃហើយ ។
កាលពីថ្ងៃព្រហស្បតិ៍ លោក William LeGate ជាសហគ្រិន និងជាអ្នកសរសេរកម្មវិធីបានបង្ហោះរូបភាពនៃសញ្ញាមានអក្សរ W បិទបាំង។ ចំណងជើងរបស់លោក LeGate បាននិយាយថា លោកElon Musk ក្នុងការបង្ហាញពីភាពចាស់ទុំដ៏គួរឲ្យកត់សម្គាល់មួយបានដក W ចេញពីនិមិត្តសញ្ញារបស់ Twitter នៅខាងក្រៅទីស្នាក់ការ San Francisco របស់ពួកគេ៕ដោយ៖លី ភីលីព
