អាមេរិក៖ នេះយោងតាមការ ចេញផ្សាយពីគេហទំព័រ MSN បានប្រាប់ឲ្យដឹងថា អ្នកប្រើប្រាស់ Facebook មួយចំនួនបានទទួលការ ជូនដំណឹងកាលពីថ្ងៃសៅរ៍ ដែលមិនមែនជាសំណើមិត្តភ័ក្តិ ឬមតិយោបល់ ខណៈ វេទិកាប្រព័ន្ធផ្សព្វផ្សាយសង្គម បានជូនដំណឹងដល់អ្នកប្រើប្រាស់ថា ពួកគេអាចមានសិទ្ធិទទួលបានចំណែកនៃការទូទាត់ដ៏ធំចំនួន ៧២៥លានដុល្លារ។
សារព័ត៌មាន Associated Press បានរាយការណ៍ថា ការចុចលើការជូនដំណឹង នាំឲ្យមានផ្លាកសញ្ញាដែលសរសេរថា “អ្នកអាចមានសិទ្ធិទទួលបានការ ទូទាត់ប្រាក់ពីការដោះស្រាយបណ្តឹង”។
បណ្តឹងនេះកើតចេញពីការចោទប្រកាន់ថា Facebook បានធ្វើឲ្យចែករម្លែកទិន្នន័យផ្ទាល់ខ្លួន របស់អ្នកប្រើប្រាស់ជាមួយភាគីទី៣ ដែលល្បីល្បាញជាងគេគឺ Cambridge Analytica ជាក្រុមហ៊ុនប្រឹក្សាយោបល់គាំទ្រយុទ្ធនាការប្រធានាធិបតី Donald Trump ឆ្នាំ២០១៦។
ក្រុមហ៊ុនបានប្រមូលទិន្នន័យរបស់អ្នកប្រើប្រាស់ Facebook ដល់ទៅ ៨៧ លាននាក់ ។ ស្លាកសញ្ញានៅលើ Facebook បន្តថា ពាក្យបណ្តឹងបានអះអាងថា Facebook បានចែករម្លែកទិន្នន័យរបស់មនុស្សជាមួយភាគីទី៣ ហើយមិនបានត្រួតពិនិត្យពីរបៀបដែល ទិន្នន័យនោះត្រូវបានចូលប្រើប្រាស់ និងចែករម្លែក។
ការយល់ព្រមចុងក្រោយនៃការ ទូទាត់មិនត្រូវបានគេរំពឹងទុករហូតដល់ខែកញ្ញានោះទេ ប៉ុន្តែអ្នកប្រើប្រាស់ Facebook មិនចាំបាច់រង់ចាំ ដើម្បីដាក់ពាក្យបណ្តឹងរបស់ពួកគេនោះទេ។
អ្នកអាចផ្ទៀងផ្ទាត់ថាអ្នកបំពេញតាមតម្រូវការ សិទ្ធិទទួលបាននៅលើគេហទំព័រទូទាត់។
លក្ខណៈវិនិច្ឆ័យគឺសាមញ្ញណាស់រួមានអ្នកប្រើប្រាស់ Facebook ទាំងអស់នៅសហរដ្ឋអាមេរិកចន្លោះថ្ងៃទី ២៤ ខែឧសភា ឆ្នាំ ២០០៧ និងថ្ងៃទី ២២ ខែធ្នូ ឆ្នាំ ២០២២ រួមបញ្ចូល៖ ប្រសិនបើអ្នកមានលក្ខណៈសម្បត្តិគ្រប់គ្រាន់ អ្នកអាចឆ្លើយសំណួរមួយចំនួន ហើយដាក់ពាក្យបណ្តឹងតាមអ៊ីនធើណេត ឬអ្នកអាចបញ្ជូនចម្លើយរបស់អ្នកតាមសំបុត្រ។
វាមិនច្បាស់ថា ចំនួនអ្នកប្រើប្រាស់ប៉ុន្មាននាក់ បានទទួលការជូនដំណឹងកាលពីថ្ងៃសៅរ៍។ Nexstar បានទាក់ទងទៅ Meta ដើម្បីសុំការបំភ្លឺ ប៉ុន្តែមិនបានឆ្លើយតបវិញទេ ដោយពេលវេលាបោះពុម្ពផ្សាយ។ អ្នកក៏មិនចាំបាច់ត្រូវបានទទួលការ ជូនដំណឹងដើម្បីដាក់ពាក្យទាមទារដែរ៕ ដោយ៖លី ភីលីព
