អាមេរិក៖នេះបើយោងតាមការចេញផ្សាយពីគេហទំព័រឌៀលីម៉ែល បានប្រាប់ឲ្យដឹងថា នៅពេលក្រឡេកមើលរូបភាពទាំងនេះដំបូង អ្នកប្រហែលជាត្រូវបានអភ័យទោសចំពោះការយល់ច្រឡំចំពោះស្នាដៃសិល្បៈពីការតាំងពិព័រណ៍សិល្បៈទាន់សម័យចុងក្រោយបង្អស់។
ប៉ុន្តែរូបភាពទាំងនោះគឺពិតហើយត្រូវបានបង្កើតឡើងដោយការបញ្ចូលរូបថតពីតេឡេស្កុបដ៏មានឥទ្ធិពលបំផុត២របស់អង្គការអវកាសណាសា “NASA” របស់អាមេរិក។ តេឡេស្កុបអវកាស James Webb និងក្រុមអង្កេតកាំរស្មីអ៊ិច Chandra ទាំង២បានចាប់យកទិដ្ឋភាពដ៏អស្ចារ្យនៃកាឡាក់ស៊ី២ គឺណុបឡា និងចង្កោមផ្កាយ។
តាមរយៈការរួមបញ្ចូលគ្នាចំពោះរូបភាពអស្ចារ្យនៃលោហធាតុទាំងនេះអាចមើលឃើញក្នុងភាពរុងរឿងពេញលេញរបស់ពួកគេ។ ណាសាបាននិយាយថា នៅពេលតេឡេស្កុបរបស់ណាសា “NASA” ជាច្រើនបានសង្កេតមើលតំបន់លោហធាតុដូចគ្នា ពណ៌ពិតរបស់ចក្រវាឡត្រូវបានបង្ហាញ។ ដើម្បីបង្កើតរូបភាពចម្រុះណាសាបានងាកទៅរកតេឡេស្កុបអវកាស James Webb និងកន្លែងអង្កេតកាំរស្មីអ៊ិច Chandra ។
ទីភ្នាក់ងារអវកាសបានពន្យល់ថា រូបភាពនីមួយៗរួមបញ្ចូលគ្នានូវកាំរស្មី X របស់ Chandra ជាទម្រង់នៃពន្លឺថាមពលខ្ពស់ជាមួយនឹងទិន្នន័យអ៊ីនហ្វ្រារ៉េដពីរូបភាព Webb បានចេញផ្សាយពីមុន ដែលរូបភាពទាំង២នេះមើលមិនឃើញដោយភ្នែកទទេ ។
ណាសា “NASA” ក៏បានរួមបញ្ចូលទិន្នន័យពីតេឡេស្កុបអវកាស Hubble ប្រើពន្លឺអុបទិក តេឡេស្កុបអវកាស Spitzer (អ៊ីនហ្វ្រារ៉េដ) រួមទាំង XMM-Newton (X-ray) របស់ទីភ្នាក់ងារអវកាសអឺរ៉ុប និងតេឡេស្កុបបច្ចេកវិទ្យាថ្មីរបស់ European Southern Observatory (អុបទិក)។
រូបភាពជាលទ្ធផលនៃចង្កោមផ្កាយ NGC 346 កាឡាក់ស៊ីតំរៀបស្លឹក NGC 1672, M16 Eagle Nebula និងកាឡាក់ស៊ីវង់ M74 គឺជារូបភាពដ៏គួរឲ្យភ្ញាក់ផ្អើលបំផុតរបស់ NASA នៅឡើយ៕ដោយ៖លី ភីលីព
