អាមេរិក៖ នេះបើយោងតាមរបាយការណ៍ថ្មីមួយបានប្រាប់ឲ្យដឹងថា ការអាប់ដេត iPhone របស់ក្រុមហ៊ុនបច្ចេកវិទ្យាយក្សអាមេរិក Apple ដ៏សំខាន់នាពេលខាងមុខអាចផ្លាស់ប្តូរ របៀបដែលអេក្រង់ចាក់សោរបស់វាដំណើរការ ។
ប្រព័ន្ធប្រតិបត្តិការ iOS 17 នឹងត្រូវបានបង្ហាញក្នុងអំឡុងពេលសន្និសីទអ្នកអភិវឌ្ឍន៍ទូទាំងពិភពលោករបស់ Apple (WWDC) នៅដើមខែមិថុនា មានពាក្យចចាមអារ៉ាមថា នឹងនាំមកនូវការផ្លាស់ប្តូរជាច្រើនល់ iPhone រួមទាំងកម្មវិធីទិនានុប្បវត្តិ និងការបន្ថែមសម្រាប់សុខភាព។
ខណៈព្រឹត្តិការណ៍ WWDC នោះទំនងជាផ្តោតទៅលើកាសស្តាប់ត្រចៀកថ្មីរបស់ Apple ដែលមានពាក្យចចាមអារ៉ាមនោះ គេរំពឹងថានឹងមានការអាប់ដេត ជាច្រើនសម្រាប់វេទិកាផ្សេងទៀតផងដែរ។
ការអាប់ដេតមួយក្នុងចំណោមការអាប់ដេតទាំងនោះ គឺជាមុខងារថ្មីនឹងផ្លាស់ប្តូរអេក្រង់ចាក់សោរបស់ iPhone ដើម្បីឲ្យវាដំណើរការដូចអេក្រង់ “ambient” ។
នោះមានន័យថាវានឹងផ្តល់ព័ត៌មានបន្ថែម ដូចជារបាយការណ៍អាកាសធាតុ បច្ចុប្បន្នភាពប្រតិទិន និងច្រើនទៀត នៅពេលវាត្រូវបានទុកចោល។
ដូចនេះ វាអាចទទួលយកការងាររបស់នាឡិការោទិ៍ ឬអេក្រង់ផ្ទះបាយ ហើយបន្ទាប់មកប្តូរទៅជា iPhone ឬ iPad នៅពេលវាកំពុងធ្វើចលនា។
នេះបើយោងតាមរបាយការណ៍ថ្មីពី Bloomberg ថា មុខងារនេះនឹងបើកនៅពេលដែលទូរសព្ទ ឬថេប្លេតត្រូវបានដាក់ចុះក្នុងទម្រង់ផ្ដេក ។
វានឹងធ្វើឲ្យឧបករណ៍នេះប្រកួតប្រជែងជាមួយអេក្រង់ឆ្លាតវៃផ្សេងទៀតពី Amazon និង Google ទាំង២ ផ្តល់ជូននូវអេក្រង់មានបំណងប្រើប្រាស់នៅក្នុងផ្ទះបាយ ឬបន្ទប់គេង ហើយដំណើរការតាមរយៈជំនួយការនិម្មិតរបស់ពួកគេ។
Apple មិនបានផលិតអេក្រង់មួយក្នុងចំណោមអេក្រង់ទាំងនោះទេ បើទោះបីជាមានពាក្យចចាមអារ៉ាម ជាញឹកញាប់ថាកំពុងធ្វើការក៏ដោយ។
គ្រឿងបរិក្ខារក្នុងផ្ទះដ៏ឆ្លាតវៃតែមួយគត់របស់វា បានផ្តោតលើសំឡេង ជាទម្រង់ HomePod និង HomePod Mini។ ឥឡូវនេះ Apple អាចចម្លងមុខងារនេះ ដោយមិនចាំបាច់មនុស្សទិញអេក្រង់ថ្មីទាំងស្រុងនោះទេ៕ ដោយ៖លី ភីលីព
