អាមេរិក ៖ អ្នកប្រើប្រាស់បណ្តាញសង្គមយក្សអាមេរិក Facebook Instagram និង WhatsApp បានរាយការណ៍ថា វេទិកាបានទទួលរងការគាំងអស់ពេលជាច្រើនម៉ោង ដោយសារតែដាច់ភ្លើងធ្វើឲ្យបាត់បង់ ការទំនាក់ទំនងតាមប្រព័ន្ធអនឡាញ នេះយោងតាមការចេញផ្សាយពីគេហទំព័រ អឹម អេស អិន។
នេះបើយោងតាម DownDetector ដែលតាមដានការដាច់បច្ចេកវិទ្យាបាននិយាយថា អ្នកប្រើប្រាស់រាប់ពាន់នាក់បានរាយការណ៍អំពីបញ្ហានៅម៉ោងប្រហែល ២.៤៥ ព្រឹក។
អ្នកប្រើប្រាស់នៅរដ្ឋ Indiana រដ្ឋ Washington រដ្ឋ Florida រដ្ឋ Nebraska និងញូវយ៉ក សុទ្ធតែបានបញ្ជាក់នៅលើ DownDetector ថាសេវារបស់ពួកគេត្រូវបានប៉ះពាល់។
អ្នកប្រើប្រាស់ជាង ១២,០០០ នាក់បានរាយការណ៍ថា មានបញ្ហាក្នុងការចូលប្រើ Facebook ខណៈ អ្នកប្រើប្រាស់ជាង ៦,៦០០នាក់កំពុងមានបញ្ហាជាមួយ Instagram ។
WhatsApp ក៏មានរបាយការណ៍ដាច់ជាង ១៣០០ ផងដែរ។ Meta ជាម្ចាស់វេទិកាទាំងបីបានដោះស្រាយ បញ្ហានេះនៅក្នុងសេចក្តីថ្លែងការណ៍មួយទៅកាន់ The Independent។
យើងដឹងថា មនុស្សមួយចំនួនមានបញ្ហាក្នុងការចូលប្រើផលិតផលរបស់យើង។ យើងកំពុងធ្វើការដើម្បីឲ្យអ្វីៗ ត្រឡប់មកធម្មតាវិញឲ្យបានលឿនតាមដែលអាចធ្វើទៅបាន ហើយយើងសូមអភ័យទោសចំពោះការរអាក់រអួលណាមួយ។
សេវាហាក់បីដូចជាបានវិលមកធម្មតាវិញនៅម៉ោងប្រហែល ៥ ល្ងាច ហើយនៅម៉ោងប្រហែល ៧.៣០ យប់ Meta tweeted ថា ស្ថានភាពបានត្រឡប់ទៅធម្មតាវិញហើយ។
ក្រុមហ៊ុនបាននិយាយថា កែហើយ! បញ្ហាត្រូវបានដោះស្រាយ ហើយអ្វីៗគួរតែដំណើរការជាធម្មតាឡើងវិញនៅលើកម្មវិធីរបស់យើង។ សូមអរគុណម្តងទៀតចំពោះការអត់ធ្មត់របស់អ្នក៕ ដោយ៖លី ភីលីព
