ចិន ៖ រដ្ឋបាលអវកាសជាតិចិនបាននិយាយនៅក្នុងសេចក្តីប្រកាសព័ត៌មានមួយថា ផ្កាយរណបនេះមានឈ្មោះថា Environmental Surveyor 2F ត្រូវបានដឹកដោយរ៉ុក្កែត Long March 2C បានបាញ់បង្ហោះនៅម៉ោង ៦ និង ៥៣ នាទីព្រឹក នៅមជ្ឈមណ្ឌលបាញ់បង្ហោះផ្កាយរណប Taiyuan ក្នុងខេត្ត Shanxi ភាគខាងជើង ប្រទេសចិន បន្ទាប់មកស្ថិតនៅក្នុងគន្លងព្រះអាទិត្យ ស្របគ្នាមានចម្ងាយប្រហែល ៥០០ គីឡូម៉ែត្រពីលើផែនដី យោងតាមការចេញ ផ្សាយពីគេហទំព័រឆៃណាឌៀលី ។
សកម្មភាពនេះបង្កើតឡើង ដោយបណ្ឌិត្យសភា បច្ចេកវិទ្យាអវកាសចិននៅទីក្រុងប៉េកាំង ព្រោះផ្កាយរណបនេះ មានភារកិច្ចប្រើប្រាស់រ៉ាដា ដែលមានជម្រៅ សំយោគ របស់វា ដើម្បីទទួលបានរូបភាព និងទិន្នន័យ ដើម្បីគាំទ្រការការពារ និង កាត់បន្ថយគ្រោះមហន្តរាយ ការត្រួតពិនិត្យអេកូឡូស៊ី និងកិច្ចខិតខំ ប្រឹងប្រែង ឆ្លើយតបគ្រាអាសន្ន ។ ព័ត៌មានដែលវាផ្តល់នឹងត្រូវបានប្រើ ដោយក្រសួងគ្រប់គ្រងគ្រាអាសន្ន និងក្រសួងបរិស្ថាន និងបរិស្ថានវិទ្យា ។
ទិន្នន័យដែលបង្កើត ដោយយានអវកាសក៏នឹងត្រូវបាន ប្រើនៅក្នុងការស្ទង់មតិធនធានទឹក និងដី ការព្យាករណ៍ទិន្នផលកសិកម្ម និងការគ្រប់គ្រងព្រៃឈើ ដោយបានកត់សម្គាល់ឃើញថា ផ្កាយរណបនេះត្រូវបានគេរំពឹងថា នឹងដំណើរការនៅក្នុងគន្លងតារាវិថី យ៉ាងហោចណាស់ ៨ ឆ្នាំ ។
យោងតាមសេចក្តីថ្លែងការណ៍ របស់ក្រសួងបរិស្ថាន និងបរិស្ថានវិទ្យា បានឲ្យដឹងថា បន្ទុកសំខាន់នៅលើផ្កាយរណប ជារ៉ាដាមានជម្រៅសំយោគ ដែលមានកម្រិតរូបភាព ៥ ម៉ែត្រ អាចទទួលបានរូបភាពទោះបីជាពពក និងភ្លៀង និងអាចបំពេញបន្ថែមផ្កាយរណបអុបទិកក្នុងប្រតិបត្តិការរបស់ពួកគេ។
Environmental Surveyor 2F នឹងធ្វើការជាមួយអ្នកកាន់តំណែង មុនរបស់ខ្លួនគឺ Environmental Surveyor 2E ហើយការផ្គូផ្គងរបស់ពួកគេនឹង ធ្វើឲ្យប្រសើរឡើងនូវសមត្ថភាព របស់ប្រទេសក្នុងការ តាមដានស្ថានភាពបរិស្ថាន និងដោះស្រាយភាពអាសន្នផ្នែកអេកូឡូស៊ី ។
ប្រទេសចិនបានបាញ់បង្ហោះ ផ្កាយរណបមួយ ដើម្បីបម្រើការការពារបរិស្ថាន និងគោលបំណងគ្រប់គ្រងគ្រោះ មហន្តរាយក្នុងរយៈពេលជាច្រើនឆ្នាំកន្លងមកនេះ។
បណ្តាញ Environmental Surveyor 2F នឹងធ្វើការឲ្យជា មួយផ្កាយរណបចំនួន ៤ បំពាក់ដោយកាមេរ៉ាអុបទិកចំនួន២ និង២ជាមួយនឹងរ៉ាដា ដែលមានជម្រៅសំយោគ ។ ពួកគេទាំងអស់ធ្វើដំណើរ ក្នុងគន្លងនៅជិតផែនដី។ គំរូរ៉ុក្កែត Long March 2C ជាផលិតផលរបស់ China Academy of Launch Vehicle Technology ។ រ៉ុក្កែតនេះត្រូវបានប្រើជាចម្បង ដើម្បីដាក់ពង្រាយផ្កាយរណប ទៅកាន់គន្លងផែនដីទាប និងព្រះអាទិត្យស្របពេលគន្លង ៕
ដោយ៖លី ភីលីព
