សេនហ្វ្រេនស៊ីស្កូ ៖ ក្រុមហ៊ុនGoogle កាលពីថ្ងៃព្រហស្បតិ៍ បានណែនាំកម្មវិធីបញ្ញាសិប្បនិមិត្ត ឥតគិតថ្លៃនឹងធ្វើឲ្យមនុស្ស ពឹងផ្អែកលើបច្ចេកវិទ្យាជំនួស ឲ្យខួរក្បាលរបស់ពួកគេក្នុងការសរសេរ បកស្រាយអ្វី ដែលពួកគេកំពុងអាន និងដោះស្រាយជាមួយនឹងកិច្ចការផ្សេងៗ ក្នុងជីវិតរបស់ពួកគេ ។
ជាមួយនឹងការមកដល់ នៃកម្មវិធី Gemini ដាក់ឈ្មោះតាមគម្រោង AI បានបង្ហាញកាលពីចុងឆ្នាំមុន Google នឹងបោះចោល Bard chatbot ដែលខ្លួនបានណែនាំ កាលពីមួយឆ្នាំមុនក្នុងកិច្ចខិតខំប្រឹងប្រែង ដើម្បីតាមទាន់ ChatGPT ជា chatbot បញ្ចេញដោយក្រុមហ៊ុន Microsoft គាំទ្រដោយ OpenAI នៅចុងឆ្នាំ ២០២២ ។ Google កំពុងបញ្ចេញកម្មវិធី Gemini ដាច់ដោយឡែកសម្រាប់ស្មាតហ្វូនដែលដំណើរការលើកម្មវិធី Android របស់ខ្លួន ។
ប៉ុន្មានសប្តាហ៍ទៀត Google នឹងដាក់មុខងាររបស់ Gemini ទៅក្នុងកម្មវិធីស្វែងរក មានស្រាប់របស់ខ្លួនសម្រាប់ iPhone ដែល Apple ចង់ឲ្យមនុស្សពឹងផ្អែក លើជំនួយការសំឡេង Siri របស់ខ្លួន សម្រាប់ដោះស្រាយកិច្ចការផ្សេងៗ ។ ទោះបីជាជំនួយការសំឡេងរបស់ Google អាចប្រើបានជាច្រើនឆ្នាំនឹង នៅជាប់ក៏ដោយ នាយកប្រតិបត្តិក្រុមហ៊ុននិយាយថាពួកគេរំពឹងថា Gemini នឹងក្លាយជាមធ្យោបាយចម្បង ដែលអ្នកប្រើប្រាស់ប្រើប្រាស់ បច្ចេកវិទ្យាដើម្បីជួយពួកគេគិត រៀបចំផែនការ និងបង្កើត ។
វាកត់សម្គាល់ពីទិសដៅ បន្ទាប់ របស់ Google ទៅលើផ្លូវថ្មី និងអាចមានគ្រោះថ្នាក់ ខណៈក្រុមហ៊ុនផ្តោតលើគោលដៅ បង្កើតរបស់ខ្លួន ដើម្បីរៀបចំព័ត៌មាន របស់ពិភពលោក និងធ្វើឲ្យវាអាចចូលប្រើប្រាស់បាន និងមានប្រយោជន៍ជាសកល ។
លោក Sissie Hsiao អ្នកគ្រប់គ្រងទូទៅរបស់ Google ដែលគ្រប់គ្រង Gemini បានប្រាប់អ្នកយកព័ត៌មានមុនការប្រកាសនៅថ្ងៃព្រហស្បតិ៍ថា យើងគិតថានេះគឺជាវិធីដ៏ជ្រាលជ្រៅបំផុតមួយ ដែលយើងនឹងជំរុញបេសកកម្មរបស់យើង ។ កម្មវិធី Gemini ដំបូងនឹងត្រូវបានចេញផ្សាយ នៅក្នុងសហរដ្ឋអាមេរិកជាភាសាអង់គ្លេស មុនពេលពង្រីកទៅកាន់តំបន់អាស៊ីប៉ាស៊ីហ្វិក នៅសប្តាហ៍ក្រោយ ជាមួយនឹងកំណែជាភាសាជប៉ុន និងកូរ៉េ។
ក្រៅពីកំណែឥតគិតថ្លៃរបស់ Gemini Google នឹងលក់សេវាកម្មកម្រិតខ្ពស់ អាចចូលប្រើបានតាមរយៈកម្មវិធីថ្មីតម្លៃ ២០ ដុល្លារក្នុងមួយខែ។ ក្រុមហ៊ុន The Mountain View រដ្ឋកាលីហ្វ័រញ៉ា និយាយថា វាគឺជាទម្រង់ដ៏ទំនើបនៃ AI នឹងអាចបង្រៀន សិស្ស ផ្តល់ការណែនាំអំពីការសរសេរកម្មវិធីកុំព្យូទ័រដល់វិស្វករ បង្កើតគំនិតសម្រាប់គម្រោង ហើយបន្ទាប់មកបង្កើតខ្លឹមសារសម្រាប់ការផ្ដល់យោបល់ ដែលអ្នកប្រើប្រាស់ចូលចិត្តបំផុត ។ .
ជម្រើស Gemini Advanced នឹងត្រូវបានបំពាក់ដោយបច្ចេកវិទ្យា AI មានឈ្មោះថា “Ultra 1.0” នឹងស្វែងរកការកសាងលើអតិថិជនជិត ១០០ លាននាក់ទូទាំងពិភពលោកដែល Google និយាយថា ខ្លួនបានទាក់ទាញមកទល់ពេលនេះ ដែលភាគច្រើនចំណាយពី ២ទៅ ១០ ដុល្លារក្នុងមួយខែសម្រាប់បន្ថែម៕
ដោយ៖លី ភីលីព
