អាមេរិក ៖ ទីភ្នាក់ងារនេះ បាននិយាយកាលពីថ្ងៃពុធថា គណៈកម្មការទំនាក់ទំនង សហព័ន្ធកំពុងស៊ើបអង្កេត ក្រុមហ៊ុន លក់តាមអនឡាញយក្ស អាមេរិក Amazon និងអ្នកលក់រាយផ្សេងទៀត ដោយការចោទប្រកាន់ពីបទផ្នែកទីផ្សារ និងការលក់ឧបករណ៍រារាំង Wireless ។
ឧបករណ៍Wireless ដែលមានចេតនារារាំង ឬរំខានសញ្ញាដែលផ្ញើដោយគ្រឿងអេឡិចត្រូនិចស្របច្បាប់ផ្សេងទៀត ដូចជាទូរសព្ទដៃ និង ឧបករណ៍ GPS គឺខុសច្បាប់ទាំងការប្រើប្រាស់ និងលក់ ឬផ្សព្វ ផ្សាយដល់អ្នក ប្រើប្រាស់ នៅសហរដ្ឋអាមេរិក ។
ក្នុងសេចក្តីថ្លែងការណ៍ដ៏កម្រមួយ ដែលបញ្ជាក់ពីការស៊ើបអង្កេតជាសាធារណៈ អ្នកនាំពាក្យរបស់ FCC លោក Will Wiquist បាននិយាយថា FCC កំពុងធ្វើការស៊ើបអង្កេត បន្តជាច្រើនលើអ្នកលក់រាយ រួមទាំងក្រុមហ៊ុន Amazon សម្រាប់ការបំពានសក្តានុពល នៃច្បាប់គណៈកម្មការទាក់ទងនឹងទីផ្សារ និងការលក់ឧបករណ៍ដោយគ្មានការអនុញ្ញាតពី FCC ត្រឹមត្រូវ ។
លោក Wiquist មិនបានបញ្ជាក់ថា តើអ្នកលក់រាយផ្សេងទៀត ពាក់ព័ន្ធនឹងការស៊ើបអង្កេតអ្វីនោះឡើយ ហើយការស៊ើបអង្កេតនេះត្រូវបានរាយការណ៍ ជាលើកដំបូងដោយ NBC News បន្ទាប់ពីការរាយការណ៍មុន របស់ខ្លួនស្តីពីភាពអាចរកបានជាក់ស្តែង នៃសញ្ញាស្ទះនៅលើទីផ្សារ របស់ Amazon ។
Amazon មិនបានឆ្លើយតបភ្លាមៗ ចំពោះសំណើសុំការអត្ថាធិប្បាយទេ ៕
ដោយ៖លី ភីលីព
