ទីក្រុងប៉េកាំង ៖ ប្រាក់ចំណេញសុទ្ធ របស់ក្រុមហ៊ុនបច្ចេកវិទ្យាយក្សចិន Huawei Technologies បានហក់ឡើង ៥៦៤ ភាគរយដល់ ១៩.៦៥ ពាន់លានយន់ ស្មើនឹង ២.៧១ ពាន់លានដុល្លារ នៅត្រីមាសទី១ ជាឯកសារបទប្បញ្ញត្តិ ដោយក្រុមហ៊ុនមេរបស់ខ្លួន បានបង្ហាញកាលពីថ្ងៃអង្គារ ខណៈវាបន្តងើបឡើងវិញ ពីទណ្ឌកម្មរបស់អាមេរិក ។
ប្រាក់ចំណូលរបស់ក្រុមហ៊ុន Huawei សម្រាប់ត្រីមាស ដល់ដំណាច់ខែមីនា បានកើនឡើង ៣៧ ភាគរយ ដល់ ១៧៨.៥ ពាន់លានយន់ ឯកសារទៅកាន់មជ្ឈមណ្ឌល ផ្តល់មូលនិធិអន្តរធនាគារជាតិ របស់ប្រទេសចិន បានបង្ហាញថា វាមិនបានបំបែករបៀប ដែលអង្គភាពអាជីវកម្ម ដូចជាគ្រឿងបង្គុំ រថយន្តប្រើប្រាស់ និងរថយន្តឆ្លាតវៃ បានដំណើរការយ៉ាងណាទេ ។
អ្នកនាំពាក្យ របស់ក្រុមហ៊ុន Huawei បាននិយាយថា ឌីជីថល ភាពវៃឆ្លាត និងការបញ្ចេញ កាបូនបានជួយជំរុញកំណើនប្រាក់ចំណូល។ ក្រុមហ៊ុន បាននិយាយថា ឧស្សាហកម្ម និងទីផ្សារពិភពលោកនឹងនៅតែមានភាព មិនប្រាកដប្រជា សម្រាប់នៅសល់នៃឆ្នាំ ២០២៤។
យ៉ាងណាក៏ដោយ យើងកំពុងបន្តបង្កើត យន្តការសម្រាប់ការបន្តអាជីវកម្មសកល និងប្រតិបត្តិការ ដ៏រហ័សរហួន ។ យើងមានទំនុកចិត្តថាយើងអាចបំពេញ តាមគោលដៅអាជីវកម្មប្រចាំឆ្នាំរបស់យើង និងសម្រេច បានកំណើនប្រកបដោយនិរន្តរភាព ។
កាលពីឆ្នាំមុន ក្រុមហ៊ុន Huawei បានកត់ត្រាកំណើនប្រាក់ចំណូល ដ៏លឿនបំផុតរបស់ខ្លួនក្នុងរយៈពេល ៤ ឆ្នាំជាមួយនឹងការស្ទុះងើបឡើងវិញ នៃផ្នែកអ្នកប្រើប្រាស់របស់ខ្លួន និងប្រាក់ចំណូលពីអាជីវកម្មថ្មីៗដូចជាគ្រឿងបន្លាស់រថយន្តឆ្លាតវៃ ដែលបង្កើនល្បឿន នៃការស្តារឡើងវិញ ពីទណ្ឌកម្មរបស់អាមេរិក ។
អាជីវកម្មស្មាតហ្វូន របស់ក្រុមហ៊ុនបានឆ្លងកាត់ការស្តារឡើងវិញ ចាប់តាំងពីវាត្រូវបានចុះខ្សោយ ដោយការដាក់ទណ្ឌកម្មម្តងហើយម្តងទៀត របស់សហរដ្ឋអាមេរិកចាប់តាំងពីឆ្នាំ ២០១៩ បន្ទាប់ពីក្រុមហ៊ុន Huawei បានបញ្ចេញស្មាតហ្វូនស៊េរីខ្ពស់ថ្មី ដែលដំណើរការដោយបន្ទះឈីប ផលិតក្នុងស្រុកកាលពីឆ្នាំមុន ដែលបានដណ្តើម ចំណែកទីផ្សារចិនពី Apple (AAPL) ៕
ដោយ៖លី ភីលីព
