អ្នកប្រើប្រាស់ចំនួន ៨០,០០០នាក់ មានការត្អូញត្អែរ អំពីការបោកប្រាស់ តាមប្រព័ន្ធផ្សព្វផ្សាយ សង្គមក្នុងឆ្នាំ ២០២៣

តូក្យូ ៖ រដ្ឋាភិបាលជប៉ុនបាននិយាយ កាលពីថ្ងៃសុក្រថា តាមរបាយការណ៍ពីអ្នកប្រើប្រាស់ ប្រព័ន្ធផ្សព្វផ្សាយសង្គម ក្នុងប្រទេសជប៉ុន ចំនួន ៨០,៤០៤នាក់ក្នុងឆ្នាំ ២០២៣ បានត្អូញត្អែររឿងរឿង ជាច្រើនដូច ជាការដើរទិញឥវ៉ាន់ និងការបោកប្រាស់ហិរញ្ញវត្ថុ នៅលើប្រព័ន្ធផ្សព្វផ្សាយ សង្គមដែលកើនឡើងជិត ២០,០០០ករណីធៀបនឹងឆ្នាំមុន ។

ករណ៍នេះមានការកើនឡើងគួរឲ្យកត់សម្គាល់នៅលើពាក្យបណ្តឹងទៅកាន់មជ្ឈមណ្ឌលកិច្ចការអ្នកប្រើប្រាស់របស់រដ្ឋាភិបាលពីមនុស្សដែលមានអាយុ ៥០ ឆ្នាំ ឬចាស់ជាងនេះ ខណៈចំនួននៃរបាយការណ៍ អំពីបញ្ហាជាមួយនឹងសេវាកម្ម ផ្អែកលើការជាវក៏ បានកើនឡើង លើសពី ២០,០០០ករណីពីឆ្នាំ ២០២២ ដល់កំណត់ត្រា ៩៨,១០១។
ចំពោះការត្អូញត្អែរពាក់ព័ន្ធនឹង មនុស្សមិនអាចដកប្រាក់បាន បន្ទាប់ពីពួកគេត្រូវបានគេទាក់ទាញ ឲ្យវិនិយោគក្នុងការជួញ ដូរប្រាក់បរទេស ខណៈអ្នកខ្លះទៀតត្អូញត្អែរថា ពួកគេបានទិញកាបូបម៉ាក ប្រណីតពីគេហទំព័រក្លែងក្លាយ។
យោងតាមក្រដាសសប្រចាំ ឆ្នាំស្តីពីកិច្ចការអ្នកប្រើប្រាស់ ត្រូវបានអនុម័ត ដោយគណៈរដ្ឋមន្ត្រីថា ការត្អូញត្អែរត្រូវបានធ្វើឡើង ដោយក្រុមអាយុជាច្រើន ។

ទាក់ទងនឹងការត្អូញត្អែរ ពីអ្នកបានចុះឈ្មោះដោយអចេតនា សម្រាប់ការទិញដោយផ្អែកលើការជាវ មនុស្សជាច្រើន បាននិយាយថា ពួកគេមិនអាចលុបចោលកិច្ចសន្យា របស់ពួកគេបានទេ ជាមួយនឹងផលិតផលគ្រឿងសំអាង និងអាហារសុខភាពក្នុងចំណោមអ្នករាយការណ៍ច្រើនបំផុត ។

ចំនួនសរុប នៃពាក្យបណ្តឹង របស់អ្នកប្រើប្រាស់ បានកើនឡើងប្រហែល ៣៣,០០០ ដល់ប្រហែល ៩០០,០០០ ដែលដឹកនាំដោយ របាយការណ៍ជុំវិញបញ្ហាទូទៅ រួមទាំងអ៊ីម៉ែល សារឥតបានការ និងការហៅទូរស័ព្ទគួរឲ្យសង្ស័យ បន្ទាប់មកដោយការខ្ចីអចលនទ្រព្យ និងបញ្ហាសំណង់ ។

ផ្អែកលើចំនួន ពាក្យបណ្តឹង រដ្ឋាភិបាល ប៉ាន់ប្រមាណថា មានប្រហែល ២០.៦៧ លានករណី ដែលទំនង ជាសរុបជាកំណត់ត្រាខ្ពស់បំផុតប្រហែល ៨.៨ ពាន់ពាន់លានយ៉េន ក្នុងការខូចខាតដល់អ្នកប្រើប្រាស់៕
ដោយ៖លី ភីលីព