អាមេរិក ៖ ក្រុមហ៊ុន Neuralink របស់មហាសេដ្ឋីអាមេរិក បានបញ្ចូលបន្ទះឈីបដំបូង ចូលក្នុងខួរក្បាលមនុស្ស កាលពីខែមករាឆ្នាំមុន ហើយឥឡូវនេះ កំពុងរៀបចំសម្រាប់ការ សាកល្បងលើកទី២ហើយចំពោះក្រុមហ៊ុនលោក Elon Musk ។
មហាសេដ្ឋីបច្ចេកវិទ្យា Elon Musk បានទស្សន៍ទាយថា ទូរស័ព្ទនឹងលែង ប្រើនៅពេលអនាគត ដោយជំនួស ដោយបន្ទះសៀគ្វី ដែលត្រូវបានផ្សាំ ដោយផ្ទាល់នៅក្នុងខួរក្បាលមនុស្ស។ក្រុមហ៊ុនជីវបច្ចេកវិទ្យា Neuralink របស់លោកបានបញ្ចូលបន្ទះឈីបខួរក្បាលជាលើកដំបូងសម្រាប់មនុស្សអាយុ ៣០ ឆ្នាំ quadriplegic Noland Arbaugh កាលពីខែមករា ។
នីតិវិធីវះកាត់ពាក់ព័ន្ធនឹងការដាក់បន្ទះឈីបកុំព្យូទ័រ មានទំហំប៉ុនកាក់ស្ថិតនៅតំបន់ នៃខួរក្បាលដែលគ្រប់គ្រងការចង់ផ្លាស់ទី បន្ទាប់មក បន្ទះឈីប នេះត្រូវបាន ប្រើដើម្បីកត់ត្រា និងបញ្ជូនសញ្ញាខួរក្បាលដោយឥត ខ្សែទៅកាន់កម្មវិធី ដែលឌិកូដចេតនានៃចលនា ។
លោក Musk បានចែករម្លែកការទស្សន៍ទាយ ចុងក្រោយរបស់លោក ក្នុងការឆ្លើយតបទៅនឹងការបង្ហោះនៅលើ X (អតីត Twitter) ដោយគណនី លេងសើចមានឈ្មោះថា Not Elon Musk កាលពីថ្ងៃអាទិត្យ។ សារនេះថា តើអ្នកនឹងដំឡើង ចំណុចប្រទាក់ Neuralink នៅលើខួរក្បាលរបស់អ្នកដើម្បីឲ្យអ្នកអាចគ្រប់គ្រងទូរស័ព្ទ X ថ្មីរបស់អ្នកដោយការគិតបានទេ?
លោក Musk បានឆ្លើយតបដោយអះអាងថា នៅពេលអនាគត នឹងមិនមានទូរសព្ទទេ គឺមានតែ Neuralinks ប៉ុណ្ណោះ។
សេចក្តីប្រកាសព័ត៌មានរបស់ខ្លួនកាលពីឆ្នាំមុន Neuralink បាននិយាយថា កម្មវិធី Precise Robotically Implanted Brain-Computer Interface (PRIME) របស់ខ្លួនមានគោលបំណងបង្កើត ចំណុចប្រទាក់ខួរក្បាល កុំព្យូទ័រឥតខ្សែដែលអាចផ្សាំបានពេញលេញ ហើយដំបូងបង្អស់នឹងផ្តល់ ឲ្យមនុស្សនូវសមត្ថភាព ក្នុងការគ្រប់គ្រងទស្សន៍ទ្រនិចកុំព្យូទ័រ ឬក្តារចុចដោយប្រើគំនិតរបស់ពួកគេ។
ក្រោយមកវានឹងត្រួសត្រាយផ្លូវសម្រាប់ការព្យាបាលបដិវត្តសម្រាប់មនុស្សដែលទទួលរងពីពិការភាពរាងកាយផ្សេងៗដូចជា ខ្វិន និងពិការភ្នែក ព្រមទាំងជំងឺដូចជាជំងឺធាត់ អូទីសឹម ជំងឺធ្លាក់ទឹកចិត្ត និងជំងឺវិកលចរិក។ បទសម្ភាសន៍ជាមួយលោក Joe Rogan ក្នុងឆ្នាំ ២០១៨ លោក Musk បានផ្តល់ យោបល់ថា Neuralink ក៏អាចធ្វើឲ្យមនុស្សធ្វើការប្រាស្រ័យ ទាក់ទងគ្នាដោយមិនប្រើពាក្យ ហើយក៏អាចសម្រេចបាននូវស្ថានភាពនៃ “symbiosis” ជាមួយនឹងបញ្ញាសិប្បនិម្មិតផងដែរ ។
រដ្ឋបាលចំណីអាហារ និងឱសថអាមេរិក (FDA) បានផ្តល់ការយល់ព្រម សម្រាប់ការសាកល្បង ដាក់បញ្ចូលបន្ទះឈីបដំបូង កាលពីខែឧសភាឆ្នាំមុន។ ជាច្រើនសប្តាហ៍បន្ទាប់ពីនីតិវិធីនៅចុងខែមករា Musk បានរាយការណ៍ថា បុរសនោះបានជាសះស្បើយ ពេញលេញដោយគ្មានផលប៉ះពាល់ ដែលយើងដឹងហើយលោកអាចផ្លាស់ ទីកណ្តុរកុំព្យូទ័រជុំវិញអេក្រង់ដោយគ្រាន់តែគិត ៕
