ទីក្រុងប៉េកាំង៖ក្រុមហ៊ុនបច្ចេកវិទ្យាយក្សរបស់ចិន Huawei កាលពីថ្ងៃអង្គារបានបង្ហាញទូរស័ព្ទដែលអាចបត់បាន ៣ ដងដំបូងគេរបស់ពិភពលោកក្នុងតម្លៃខ្ពស់ជាង iPhone ស៊េរីថ្មីបំផុតដល់ទៅ ៣ ដង ប៉ុន្មានម៉ោង បន្ទាប់ពីដៃគូប្រកួតប្រជែងនៅអាមេរិកជាមួយស្មាតហ្វូនថ្មីដោយប្រើប្រាស់ប្រព័ន្ធ AI យោងតាមការចេញផ្សាយពីគេហទំព័រ Japan Today ។
Mate XT ត្រូវបានដាក់បង្ហាញជាផ្លូវការក្នុងបទបង្ហាញដ៏សំខាន់មួយដោយនាយកប្រតិបត្តិក្រុមហ៊ុន Huawei លោក Richard Yu នៅទីស្នាក់ការកណ្តាលរបស់ក្រុមហ៊ុនក្នុងទីក្រុង Shenzhen ភាគខាងត្បូង។ ដើមឡើយរចនាឡើងជាទូរស័ព្ទលំដាប់កំពូលសម្រាប់ទស្សនិកជនពិសេស មានមនុស្សជាង៣លាននាក់បានចុះឈ្មោះទិញ Mate XT មុនពេលចេញលក់។
ឧបករណ៍នេះដាក់លក់ជាផ្លូវការនៅថ្ងៃទី ២០ ខែកញ្ញាជាមួយនឹងតម្លៃចាប់ផ្តើមពី ២,៨០០ ថ្លៃជាង iPhone 16 ថ្មី ៣ ដង។ ការផ្សាយពាណិជ្ជកម្មក្នុងការរចនាពណ៌ក្រហម និងពណ៌មាស ទូរស័ព្ទនេះអាចបំលែងទៅជាថេប្លេតទំហំ ២៦ សង់ទីម៉ែត្រ និងទម្ងន់ ២៩៨ ក្រាម។
លោក Yu បាននិយាយថា នេះគឺជាទូរស័ព្ទអាចបត់បាន៣ដងដំបូងគេរបស់ពិភពលោក ។ លោកបានបន្ថែមថា យើងបានខិតខំប្រឹងប្រែងយ៉ាងច្រើនក្នុងការដោះស្រាយបញ្ហាទាក់ទងនឹងការផលិតដ៏ធំ និងភាពជឿជាក់នៃផលិតផល។
ការចេញផ្សាយរបស់វាកើតឡើងមួយថ្ងៃ បន្ទាប់ពីក្រុមហ៊ុន Apple បានប្រកាស iPhone 16 របស់ខ្លួន ត្រូវបានបង្កើតឡើងសម្រាប់បញ្ញាសិប្បនិមិត្តទូទៅ ខណៈខ្លួនស្វែងរកការជំរុញការលក់ និងរក្សាការប្រណាំងបច្ចេកវិទ្យា។
អ្នកសង្កេតការណ៍ម្នាក់បាននិយាយថា ការចេញលក់ទូរស័ព្ទបត់របស់ក្រុមហ៊ុន Huawei មិនធ្វើឲ្យមានការធ្លាក់ចុះខ្លាំងនៃការលក់របស់ក្រុមហ៊ុន Apple ក្នុងវិស័យទូរស័ព្ទលំដាប់ខ្ពស់នោះឡើយ ដោយសារតម្លៃរបស់វា និងការកាន់កាប់ទីផ្សាយរបស់ក្រុមហ៊ុនយក្សកាលីហ្វ័រញ៉ានៅប្រទេសចិនខ្លាំងបំផុត។
លោក Ethan Qi នាយករងនៅក្រុមហ៊ុនស្រាវជ្រាវ Counterpoint បាននិយាយថា ឥទ្ធិពលរបស់វាទៅលើចំណែកទីផ្សាររបស់ Apple ទំនងជាមានកម្រិតណាស់ ដោយសារតែប្រជាប្រិយភាពរបស់ Apple ក្នុងប្រទេស៕
