អាមេរិក ៖ គេហទំព័រស៊ើបអង្កេត បានរកឃើញ កម្មវិធី App Beta បានជូនដំណឹងលាក់កំបាំងថា សេវាផ្ញើសារដែលគ្រប់គ្រងដោយ Meta ត្រូវបានកំណត់ដើម្បីកែប្រែសេវាកម្ម របស់ខ្លួនឡើងវិញនៅថ្ងៃទី ៥ ខែឧសភា ឆ្នាំ ២០២៥ ជាមួយនឹងការអាប់ដេតសម្រាប់ iPhone 5s iPhone 6 និង iPhone 6 Plus យោងតាមការចេញផ្សាយពីគេហទំព័រ Daily Mail ។
ស្មាតហ្វូនទាំងនេះខ្វះការគាំទ្រសម្រាប់ iOS 15.1 របស់ក្រុមហ៊ុនបច្ចេកវិទ្យាយក្សអាមេរិក Apple ត្រូវបានកំណត់ថា ជាតម្រូវការជាមុនសម្រាប់កម្មវិធីផ្ញើសារ ហើយមានសមត្ថភាពសម្រាប់តែ iOS 12.5.7 ប៉ុណ្ណោះ។ ចំណែកអ្នកឃ្លាំមើលឧស្សាហកម្មបានកត់សម្គាល់ថា ការប្រកាសនេះនឹងមិនប៉ះពាល់ដល់អ្នកប្រើប្រាស់ WhatsApp ដែលចូលចិត្តសេវាកម្មនៅលើឧបករណ៍ Android នោះទេ។
អ្នកខ្លះបានប៉ាន់ស្មានថាកម្មវិធី Meta-owned កំពុងតែត្រួតពិនិត្យទិន្នន័យខាងក្នុងរបស់វាលើចំនួនអ្នកប្រើប្រាស់ iPhone ចាស់ៗសរុបរបស់សេវាកម្មនេះ មុនពេលសម្រេចចិត្តថា វាជាពេលវេលាសមស្របមួយដើម្បីកាត់បន្ថយចំនួនអតិថិជនតិចតួចនេះ។
សម្រាប់អ្នកដែលកំពុងស្វែងរកការអាប់ដេតទូរស័ព្ទរបស់ពួកគេ ដើម្បីបន្តជាមួយ WhatsApp អ្នកជំនាញបានផ្តល់អនុសាសន៍ឲ្យបម្រុងទុកការជជែក និងប្រវត្តិពហុព័ត៌មានរបស់ពួកគេទៅកាន់ iCloud របស់ Apple សម្រាប់ការរួមបញ្ចូលនាពេលអនាគតជាមួយឧបករណ៍ថ្មីជាងនេះតាមរយៈមុខងារផ្ទេរការជជែករបស់ WhatsApp ។
Podcaster មានមូលដ្ឋាននៅប្រទេសអេហ្ស៊ីប Youssef Salem ដែលផ្តោតលើផលិតផល Apple ជាអ្នកដំបូងគេដែលទម្លាយព័ត៌មាននៃផែនការរបស់ WhatsApp បន្ទាប់ពីស្វែងយល់ពីរបៀបដែលកំណែចុងក្រោយបំផុតរបស់ WhatsApp ឥឡូវនេះដំណើរការនៅលើ ‘TestFlight’ ជាប្រព័ន្ធរបស់ក្រុមហ៊ុន Apple សម្រាប់អ្នកអភិវឌ្ឍន៍ដែលកំពុងសាកល្បងកម្មវិធីថ្មី។
ការដាស់តឿនរបស់ WhatsApp លោក Salem បានរាយការណ៍ថា ជូនដំណឹងដល់អ្នកប្រើប្រាស់ដែលដំណើរការកំណែ iOS មុនជាង 15.1 ថាពួកគេនឹងមិនអាចប្រើប្រាស់កម្មវិធីនេះបានទៀតទេនាពេលអនាគត បើទោះបីជាពួកគេព្យាយាមចូលប្រើវាតាមរយៈកំណែ Beta ពីមុននៅលើ TestFlight ក៏ដោយ៕
