កូរ៉េខាងត្បូង៖ ក្រុមពលរដ្ឋកូរ៉េខាងត្បូងបាននិយាយថ្ងៃចន្ទនេះថា ខ្លួនបានដាក់ពាក្យបណ្តឹងទៅគណៈកម្មការពាណិជ្ជកម្មយុត្តិធម៌ (FTC) ប្រឆាំងនឹងក្រុមហ៊ុនបច្ចេកវិទ្យាយក្សរបស់អាមេរិក Apple ជុំវិញការចោទប្រកាន់ថា បានរំលោភលើច្បាប់ផ្សាយពាណិជ្ជកម្មទាក់ទងនឹងមុខងារបញ្ញាសិប្បនិម្មិត (AI) របស់ខ្លួនសម្រាប់ប្រភេទស្មាតហ្វូន iPhone 16 នេះយោងតាមការចេញផ្សាយពីគេហទំព័រ Korea Times ។
ទីក្រុងសេអ៊ូល YMCA បាននិយាយថា ពាក្យបណ្តឹងត្រូវបានដាក់ជាការឆ្លើយតបទៅនឹងការដកចេញនូវមុខងារ AI Siri ក្នុងប្រព័ន្ធប្រតិបត្តិការ iOS 18 សម្រាប់ម៉ូដែលស្មាតហ្វូនចុងក្រោយបំផុតរបស់ក្រុមហ៊ុនបច្ចេកវិទ្យាយក្សរបស់អាមេរិក Apple ដែលត្រូវបានដាក់ឲ្យដំណើរការក្នុងប្រទេសកាលខែកញ្ញា។
មុខងារនេះដំបូងត្រូវបានសន្យាថានឹងបញ្ចូលទៅក្នុងប្រព័ន្ធ iOS 18 សម្រាប់ iPhone 16 ប៉ុន្តែក្រោយមកត្រូវបានពន្យារពេលសម្រាប់ការចេញផ្សាយនាពេលអនាគត។
ក្រុមនេះបានអះអាងថា Apple បានលុបការផ្សាយពាណិជ្ជកម្មដែលពាក់ព័ន្ធចេញពី YouTube ដោយបង្កើនការសង្ស័យថាក្រុមហ៊ុនបានដឹងពីការពន្យារពេលជាមុន ប៉ុន្តែនៅតែបន្តទីផ្សារផលិតផលដោយមិនបង្ហាញព័ត៌មានបែបនេះ។
យើងនឹងតាមដានយ៉ាងដិតដល់នូវដំណើរការស៊ើបអង្កេត និងលទ្ធផល ហើយនឹងចាត់វិធានការបន្ថែមទៀតប្រសិនបើចាំបាច់៕
