សំណើគ្រប់គ្រង លើវេទិកាអនឡាញ របស់កូរ៉េខាងត្បូង បង្កឲ្យមានភាពតានតឹង ក្នុងការចរចាពាណិជ្ជកម្ម ជាមួយអាមេរិក

ទីក្រុងវ៉ាស៊ីនតោន ៖ នេះយោងតាមការចេញផ្សាយពីគេហទំព័រ koreajoongangdaily បានប្រាប់ឲ្យដឹងថា ទីក្រុងវ៉ាស៊ីនតោនកំពុង ប្រឆាំងនឹងផែនការ របស់ទីក្រុងសេអ៊ូល ក្នុងការកាន់កាប់វេទិកាអនឡាញ ផ្តាច់មុខ ដែលហៅថា ច្បាប់ស្តីពីយុត្តិធម៌ វេទិកាអនឡាញ ដោយបានស្នើឡើង របស់ប្រទេសកូរ៉េ ទៅជាចំណុចមួយក្នុងការចរចា ពាណិជ្ជកម្មនាពេលខាងមុខរបស់ប្រទេស ។

មន្ត្រីរដ្ឋាភិបាលកូរ៉េជាន់ខ្ពស់ម្នាក់បានប្រាប់ JoongAng Ilbo ក្នុងបទសម្ភាសន៍ ផ្តាច់មុខកាលពីថ្ងៃទី ១៧ ខែកក្កដាថា អាមេរិកកំពុងបង្កើនការជំទាស់ខ្លាំងបំផុត ចំពោះច្បាប់យុត្តិធម៌វេទិកាអនឡាញ សូម្បីតែការជំរុញរបស់ខ្លួនសម្រាប់ការបើកទីផ្សារកសិកម្ម និងបសុសត្វរបស់ប្រទេសកូរ៉េ ដូចជាសាច់គោ ។

មន្ត្រីរូបនេះបានបន្ថែមថា អាមេរិក កំពុងប្រកាន់ជំហរតឹងរ៉ឹងប្រឆាំងនឹងបទប្បញ្ញត្តិ នៃក្រុមហ៊ុនបច្ចេកវិទ្យាយក្សរបស់ខ្លួន។ គ្រាន់តែក្រឡេកមើលប្រទេស កាណាដាវិញ វាបានទម្លាក់ពន្ធលើសេវាកម្មឌីជីថលរបស់ខ្លួន នៅពេលចុងក្រោយ ។ ទីក្រុងវ៉ាស៊ីនតោនត្រូវបានគេយល់ថា ចាត់ទុកច្បាប់នេះជារបាំងមិនមែន ពន្ធដែលត្រូវតែលុបចោល ហើយកំពុងដាក់សម្ពាធយ៉ាងខ្លាំង ដល់ទីក្រុងសេអ៊ូលឲ្យបញ្ឈប់កិច្ចខិតខំប្រឹងប្រែង ផ្នែកនីតិបញ្ញត្តិរបស់ខ្លួន ។

ច្បាប់ដែលបានស្នើឡើង ដឹកនាំដោយគណបក្ស ប្រជាធិបតេយ្យ ដែលកំពុងកាន់អំណាច (DP) នឹងកំណត់វេទិកាអនឡាញធំ ជាប្រតិបត្តិករ ដែលគ្រប់គ្រងលើទីផ្សារ ដោយផ្តល់ឲ្យគណៈកម្មការពាណិជ្ជកម្មយុត្តិធម៌ (FTC) មូលដ្ឋានច្បាប់ដើម្បីគ្រប់គ្រងពួកគេ។ វារួមបញ្ចូលច្បាប់ស្នូលចំនួន២ គឺច្បាប់ស្តីពីបទប្បញ្ញត្តិផ្តាច់មុខ និងពាណិជ្ជកម្ម ដោយយុត្តិធម៌ក្នុងវេទិកាអនឡាញ នឹងកំណត់ទុកជាមុន នូវប្រតិបត្តិករវេទិកាសំខាន់ៗ និងហាមឃាត់ការ អនុវត្តដូចជាការចង និងច្បាប់ប្រតិបត្តិការអន្តរ ការីវេទិកាអនឡាញយុត្តិធម៌ ដែលស្នើឡើងនូវកម្រៃជើងសារ និងអត្រាអនុគ្រោះ សម្រាប់ពាណិជ្ជករខ្នាតតូច ៕