អាមេរិក៖ យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា ប្រាក់បំណាច់ឆ្នាំចំនួន ៧៤.៦ លានដុល្លាររបស់នាយកប្រតិបត្តិក្រុមហ៊ុន Apple លោក Tim Cook ឆ្នាំ ២០២៤ មានន័យថា លោករកបានច្រើនជាងក្នុងរយៈពេល ៧ ម៉ោងជាងកម្មករអាមេរិកជាមធ្យម ដែលរកបាន ៦២,0៨៨ដុល្លារក្នុងមួយឆ្នាំ។
នេះបើយោងតាម Fortune បាននិយាយថា ប្រាក់ខែប្រចាំឆ្នាំរបស់លោក Cook ឆ្នាំ២០២៤ បានកើនឡើង ១៨ ភគរយពី ៦៣.២ លានដុល្លារនាឆ្នាំ ២០២៣ ដែលធ្វើឲ្យប្រាក់ចំណូលរបស់លោកផ្ទុយស្រឡះពីប្រាក់ចំណូលជាមធ្យមរបស់ជនជាតិអាមេរិក។ ក្នុងរយៈពេល ៣០ នាទី ជនជាតិអាមេរិកភាគច្រើនចំណាយពេលធ្វើដំណើរទៅធ្វើការ លោក Cook រកបាន ៤,២៥៦ ដុល្លារ ដែលច្រើនជាងប្រាក់សន្សំសង្គ្រោះបន្ទាន់របស់ជនជាតិអាមេរិកធម្មតា ។
វាអាចចំណាយពេលច្រើនឆ្នាំសម្រាប់ជនជាតិអាមេរិកដើម្បីសន្សំសម្រាប់ផ្ទះ លោក Cook អាចមានលទ្ធភាពទិញផ្ទះបានបន្ទាប់ពីចុងសប្តាហ៍តែមួយ។ ក្នុងរយៈពេលត្រឹមតែ ២.១៥ ថ្ងៃប៉ុណ្ណោះ លោករកបាន ៤៣៩,០០០ ដុល្លារ ជាតម្លៃមធ្យមនៃផ្ទះនៅអាមេរិក។ ក្នុងរយៈពេល ២១ នាទី លោក Cook អាចរកចំណូលបានគ្រប់គ្រាន់ដើម្បីទិញ MacBook Pro តម្លៃ ៣,០០០ ដុល្លារ ក្នុងរយៈពេលតិចជាង ៨ នាទី គាត់អាចមានលទ្ធភាពទិញ iPhone Pro 17 តម្លៃ ១,១០០ ដុល្លារ។
ប្រាក់បំណាច់បច្ចុប្បន្នរបស់លោក Cook ទាបជាងអ្វីដែលលោករកបាននៅឆ្នាំ ២០២២ នៅពេលកញ្ចប់ប្រាក់បៀវត្សរ៍របស់លោកខិតជិត ១០០ លានដុល្លារ ដែលភាគច្រើនដោយសារតែរង្វាន់ភាគហ៊ុន។ ក្រុមហ៊ុន Apple បានពិពណ៌នាអំពីការទូទាត់នេះថា ជាការទទួលស្គាល់ចំពោះភាពជាអ្នកដឹកនាំដ៏ល្អឥតខ្ចោះរបស់លោក Cook និងតម្លៃដែលមិនធ្លាប់មានពីមុនមក ដែលគាត់បាននាំមកជូនភាគទុនិក។ ទោះជាយ៉ាងណាក៏ដោយ នៅឆ្នាំ២០២៣ បន្ទាប់ពីមានមតិយោបល់ពីបុគ្គលិក Apple និងភាគទុនិកមួយចំនួន ប្រាក់ខែរបស់លោកត្រូវបានកែតម្រូវចុះក្រោម៕
