អតីតកីឡាករខ្សែប្រយុទ្ធ របស់ក្លឹបបិសាចក្រហម Man UTD លោក Dimitar Berbatov នៅថ្ងៃនេះបាននិយាយថាទោះបីជាមានទំរង់លេងល្អ គួរសមប៉ុន្មានប្រកួតចុងក្រោយនេះមែន ប៉ុន្តែជឿជាក់ថាពេលវេលានេះ គឺលឿនពេកហើយដើម្បីអាចនិយាយថា ក្លឹបនេះនឹងអាចក្លាយទៅជា អ្នកប្រជែងពានរង្វាន់ Premier League បាននោះ។
គួរឲ្យដឹងដែរថា Man UTD បានចាប់ផ្តើមរដូវកាល២០២០-២០២១ នេះដោយមិនសូវល្អឡើយ ប៉ុន្តែបែរជាទទួលបានលទ្ធផលមិនចាញ់ឡើយ៤ប្រកួតចុងក្រោយនេះបន្ទាប់ពីបានបញ្ចប់ ទៅនៃបេសកកម្មជម្រើសជាតិរបស់កីឡាករ។
បិសាចក្រហម Man UTD បានយកឈ្នះ Newcastle នៅក្រៅទឹកដីដល់ទៅ៤ទល់នឹង១។ប្រកួតស្មើជាមួយនឹង Chelsea គ្រាប់បាល់សូន្យស្មើជាមួយ នឹងទំរង់លេងគួរឲ្យទាក់ទាញ។យកឈ្នះ PSG ក្នុងលទ្ធផល២ទល់នឹង១ ក្នុងក្របខណ្ឌ Champion League និងចុងក្រោយយកឈ្នះ RB Leipzig ដល់ទៅ៥ទល់នឹង០ទៀតផងដែរ៕
ប្រែសម្រួល៖ស៊ុនលី
