រុស្ស៊ី៖ប្រទេសមហាអំណាច គឺប្រទេសចិន និងប្រតេសរុស្ស៊ីបានប្រកាសអំពីចេតនារបស់ខ្លួនបង្កើតស្ថានីយ៍ស្រាវជ្រាវភពព្រះច័ន្ទថ្មីរួមគ្នាក្នុងយុគសម័យថ្មីនៃការសហការជាមួយគ្នានៅក្នុងលំហររវាងប្រទេសទាំង២ យោងតាមការចេញផ្សាយពីគេហទំព័រស្គាយញ៉ូវ។
យោងតាមសេចក្តីថ្លែងការណ៍មួយចុះផ្សាយនៅលើគេហទំព័ររដ្ឋបាលអវកាសជាតិចិន (CNSA) បានឲ្យដឹងថា ស្ថានីយ៍ស្រាវជ្រាវតាមច័ន្ទគតិអន្តរជាតិ (ILRS) ក៏នឹងត្រូវបានបើកឲ្យប្រើប្រាស់ដោយប្រទេសដទៃទៀតដែរ។ គ្មានការកំណត់ពេលវេលាសម្រាប់ ការសាងសង់ILRS ត្រូវបានពិពណ៌នាថាជាមូលដ្ឋានពិសោធន៍ វិទ្យាសាស្ត្រដ៏ទូលំទូលាយ ដែលមានសមត្ថភាពប្រតិបត្តិការស្វយ័តរយៈពេលវែង ។
ស្ថានីយ៍ស្រាវជ្រាវនេះអាចត្រូវបានសាងសង់ទាំងលើ ផ្ទៃភពព្រះច័ន្ទ ឬនៅតាមគន្លងភពព្រះច័ន្ទដើម្បីធ្វើឲ្យសកម្មភាពស្រាវជ្រាវវិទ្យាសាស្ត្រដូចជាការរុករក និងប្រើប្រាស់ភពព្រះច័ន្ទសម្រាប់ការអង្កេត ការពិសោធវិទ្យាសាស្ត្រមូលដ្ឋាន និងការផ្ទៀងផ្ទាត់បច្ចេកទេស។ អង្គការណាសាមានបំណងបង្កើតច្រកចេញចូលភពព្រះច័ន្ទនៅពាក់កណ្តាលឆ្នាំ ២០២០ ជាផ្នែកមួយនៃកម្មវិធីអាតេមីសរបស់ខ្លួនដែលនឹងឃើញស្ត្រីដំបូង និងបុរស បន្ទាប់ចុះចតនៅលើភពព្រះច័ន្ទនៅឆ្នាំ ២០២៤ ទោះបីជារបាយការណ៍សវនកម្មថ្មីមួយបានលើកឡើងថា ការកំណត់ពេលវេលានេះអាចត្រូវបានជំរុញត្រឡប់មកវិញ។
អនុស្សារណៈនៃការយោគយល់គ្នាស្តីពីគម្រោងនេះត្រូវបានចុះហត្ថលេខា ដោយលោក Zhang Kejian អ្នកគ្រប់គ្រងរបស់ទីភ្នាក់ងារ CNSA និងលោក Dmitry Rogozinជាប្រធានទីភ្នាក់ងារអវកាសរុស្ស៊ី Roscosmos ។ កម្មវិធីអវកាសរបស់ CNSA ត្រូវបានជំរុញដំបូងដោយជំនាញរុស្ស៊ីក្នុងប៉ុន្មានឆ្នាំដំបូងដោយយានអវកាស Shenzhou របស់ខ្លួនមានលក្ខណៈប្រហាក់ប្រហែលនឹងយានសូ Soyuz ប្រើដោយ Roscosmos៕ដោយ៖លី ភីលីព
