អ្នកធ្វើយុទ្ធនាការអភិរក្ស សមុទ្រកំពុងរៀបចំឡើងវិញ នូវមហាសមុទ្រដោយដាំដើមឈើ ដើម្បីឲ្យការបំភាយត្រឹម កម្រិតសូន្យនៅឆ្នាំ ២០៥០ 

អង់គ្លេស៖យោងតាមអ្នកធ្វើយុទ្ធនាការអភិរក្សបានឲ្យដឹងថា ពួកគេកំពុងការរៀបចំឡើងវិញនូវមហាសមុទ្ររបស់យើងដែលមានសារសំខាន់ដើម្បីសម្រេចបាននូវគោលដៅបម្រែបម្រួលអាកាសធាតុត្រឹមកម្រិតសូន្យដល់ឆ្នាំ ២០៥០ គឺជាការខិតខំប្រឹងប្រែងដាំដើមឈើឡើងវិញនេះបើយោងតាមការចេញផ្សាយពីគេហទំព័រឌៀលីម៉ែល។
តាមរបាយការណ៍ថ្មីសមាគមអភិរក្សសត្វសមុទ្រ (MCS) និងការបង្កើតឡើងវិញចក្រភពអង់គ្លេសគូសបញ្ជាក់ថាដែនទឹកឆ្នេរសមុទ្ររបស់អង់គ្លេសផ្ទុកកាបូនច្រើនជាងព្រៃរបស់ចក្រភពអង់គ្លេស។តំបន់ឆ្នេររបស់ចក្រភពអង់គ្លេសមានផ្ទៃដីប្រមាណ ១៩៣,០០០ ម៉ាយការ៉េ និងផ្ទុកកាបូនប្រហែល ២០៥ លានតោនច្រើនជាង ៥០ លានកាបូនជាប់នៅក្នុងព្រៃដែលកំពុងឈរនៅចក្រភពអង់គ្លេស។
ប្រព័ន្ធអេកូឡូស៊ីតំបន់ឆ្នេររបស់ចក្រភពអង់គ្លេសរួមមានព្រៃអំបិល និងព្រៃគគីរត្រូវបានបំផ្លាញតាមរយៈវិធីសាស្ត្រនេសាទយ៉ាងខ្លាំងដូចជាការនេសាទនៅបាតសមុទ្រ ឬការបូមខ្សាច់ក្នុងប៉ុន្មានទសវត្សកន្លងមកនេះដោយកាត់បន្ថយបរិមាណកាបូនដែលពួកគេអាចរក្សាទុកបាន។
អង្គការទាំង២ចង់ឲ្យរដ្ឋាភិបាលអភិវឌ្ឍធម្មនុញ្ញមហាសមុទ្រដើម្បីអនុវត្តផែនការស្តារធម្មជាតិ និងកំណត់ការអនុវត្តនេសាទប្រកបដោយគ្រោះថ្នាក់។ Defra និយាយថា ខ្លួនទទួលស្គាល់តួនាទីសំខាន់នៃជម្រកមហាសមុទ្រដើរតួក្នុងការកសាងភាពធន់នឹងការប្រែប្រួលអាកាសធាតុ ហើយរដ្ឋាភិបាលបានប្តេជ្ញាចិត្តក្នុងការពិនិត្យមើលការការពារកាន់តែខ្លាំងសម្រាប់ខ្សែក្រវ៉ាត់ខៀវនៃតំបន់ការពារសមុទ្រ៕