អាមេរិក៖ ការសិក្សាថ្មីមួយបង្ហាញថា សត្វត្រីឆ្លាម Megalodons មានភាពល្បីល្បាញថា ជាត្រីឆ្លាមដ៏ធំបំផុតដែលធ្លាប់រស់នៅ ប៉ុន្តែប្រវែងពិតប្រាកដរបស់សត្វត្រីឆ្លាមប្រភេទនេះអាស្រ័យលើសីតុណ្ហភាពទឹកនៅតំបន់រស់នៅនេះបើយោងតាមការចេញផ្សាយពីគេហទំព័រឌៀលីម៉ែល។
ក្រុមអ្នកស្រាវជ្រាវបានប្រៀបធៀបសីតុណ្ហភាពលើផ្ទៃសមុទ្រជាប្រវត្តិសាស្ត្រជាមួយនឹងសំណល់ហ្វូស៊ីលពីសត្វត្រីឆ្លាម Megalodon បានហែលលើសមុទ្រទូទាំងពិភពលោកប្រហែលចន្លោះពី ១៥ លានទៅ ៣.៦ លានឆ្នាំមុន។អ្នកជំនាញបានរកឃើញថា សត្វដែលផុតពូជនេះបានកើនឡើងដល់ទំហំធំជាងនៅក្នុងបរិយាកាសត្រជាក់ជាងដូចជា North Carolina និង Peru ជាងនៅតំបន់ក្តៅដូចជានៅ Florida និង Panama ។
ការរកឃើញនេះស្របនឹងគោលការណ៍ត្រូវគេស្គាល់ថា ជាច្បាប់របស់ Bergmann ដែលសត្វត្រូវបានរកឃើញនៅក្នុងអាកាសធាតុត្រជាក់ច្រើនតែមានទំហំធំជាង ដោយសារទំហំធំជាងធ្វើឲ្យពួកវារក្សាកម្ដៅបានកាន់តែច្រើន។ការរីកលូតលាស់ធំជាងនេះប្រហែលជាបានជួយ Megalodon កាត់បន្ថយការបាត់បង់កម្ដៅ គ្របដណ្ដប់ចម្ងាយឆ្ងាយ និងបរបាញ់សត្វកាន់តែធំ។
ចម្ងាយនៃការហែលទឹក ភាពជោគជ័យនៃការបរបាញ់ និងការទាមទារអុកស៊ីហ្សែន សុទ្ធតែរងផលប៉ះពាល់ដោយសីតុណ្ហភាពនៅក្នុងសត្វដែលរស់នៅធ្វើឲ្យវាអាចធ្វើទៅបាន Megalodon ត្រូវបានរងផលប៉ះពាល់ស្រដៀងគ្នា។ លោកសាស្ត្រាចារ្យ Kenshu Shimada អ្នកដឹកនាំអ្នកនិពន្ធនៅសាកលវិទ្យាល័យ DePaul ទីក្រុង Chicago បាននិយាយថា ការសន្និដ្ឋានសំខាន់នៃការសិក្សានេះគឺថា មិនមែនសត្វត្រីឆ្លាម Megalodon ខុសគ្នាតាមភូមិសាស្រ្តទាំងអស់បានកើនឡើងដល់ទំហំធំស្មើគ្នានោះទេ៕
ដោយ៖លី ភីលីព
