Miami ៖ យោងតាមការចេញផ្សាយពីគេហទំព័រស្គាយញ៉ូវ បានប្រាប់ឲ្យដឹងថា ក្រុមប៉ូលីសកំពុងស៊ើបអង្កេតការអះអាងនេះ ដូចទៅនឹង Miami Heat ដែរ ប៉ុន្តែមេធាវីរបស់ក្បាច់គុនចម្រុះជនជាតិអៀរឡង់លោក McGregor និយាយថា ការចោទប្រកាន់នេះ គឺមិនពិតឡើយ។
លោក Conor McGregor បានបដិសេធការចោទប្រកាន់ពីបទរំលោភផ្លូវភេទ លើនារីម្នាក់ក្នុងការប្រកួតវគ្គផ្តាច់ព្រ័ត្រ NBA ចំនួន ៤ កាលពីថ្ងៃសៅរ៍។
ចំណែកសេចក្តីថ្លែងការណ៍ដែលចេញតាមរយៈមេធាវីរបស់លោកគឺលោក Barbara R Llanes បាននិយាយថា ការចោទប្រកាន់នេះ មិនពិតឡើយ ដោយ លោក McGregor នឹងមិនត្រូវបានគេបំភិតបំភ័យទេ។
ប៉ូលីស Miami បានបញ្ជាក់ថា ពួកគេកំពុងស៊ើបអង្កេតរបាយការណ៍ដែលចេញឲ្យពួកគេនៅថ្ងៃទី ១១ ខែមិថុនាមួយថ្ងៃបន្ទាប់ពីការប្រកួតនៅមជ្ឈមណ្ឌល Kaseya ក្នុងរដ្ឋ Florida ។
ប៉ូលីសបានបន្តថា នៅពេលនេះអ្វីដែលយើងអាចបញ្ជាក់បានគឺថា អង្គភាពជនរងគ្រោះពិសេសរបស់ MPD កំពុងស៊ើបអង្កេតរបាយការណ៍ត្រូវបានដាក់នៅថ្ងៃអាទិត្យទី ១១ ខែមិថុនា ឆ្នាំ ២០២៣។
នេះជាការស៊ើបអង្កេតបើកចំហ ដូច្នេះមិនមានព័ត៌មានបន្ថែមអាចត្រូវបានបញ្ចេញនៅពេលនេះទេ។
Miami Heat បានបញ្ជាក់ថា ពួកគេក៏បានចេញការស៊ើបអង្កេតពេញលេញលើឧប្បត្តិហេតុនេះ ខណៈ UFC បាននិយាយថា ខ្លួនកំពុងប្រមូលព័ត៌មាន ហើយនឹងធ្វើឲ្យដំណើរការផ្លូវច្បាប់បញ្ចប់ មុនពេលធ្វើអត្ថាធិប្បាយបន្ថែម។
ការចោទប្រកាន់ដើមត្រូវបានចេញផ្សាយលើទស្សនាវដ្តីកាសែតអាមេរិក TMZ ហើយរួមបញ្ចូលការពិពណ៌នាលម្អិត និងក្រាហ្វិកដែលចេញដោយមេធាវីរបស់ស្ត្រីនោះ។
កីឡាករក្បាច់គុនចម្រុះជនជាតិអៀរឡង់រូបនេះ ក៏បានចូលរួមក្នុងការប្រកួតពាក់កណ្តាលទីនៅក្នុងការប្រកួតរវាង Denver Nuggets និង Miami Heat ។
លោក McGregor អាយុ ៣៤ ឆ្នាំបានដាល់ Heat mascot នៅលើតុលាការ ត្រូវបានគេរាយការណ៍ថា ត្រូវការការព្យាបាលនៅមន្ទីរពេទ្យបន្ទាប់ពីនោះ៕ ដោយ៖លី ភីលីព
