លោក Erik Ten Hag នឹងនៅបន្តដឹកនាំក្លឹប Manchester United នៅរដូវកាលថ្មីខាងមុខនេះ ក្រោយថ្នាក់ដឹកនាំក្រុមបិសាចក្រហមនេះបានធ្វើការមូលមតិសម្រេចនៅក្នុងថ្ងៃនេះ។ បើយោងតាមការចុះផ្សាយរបស់ Fabrizio Romano។
![](https://lookingtoday.com/wp-content/uploads/2024/06/image-8-1024x576.png)
ក្លឹបខាងលើកំពុងតែចរចាជាមួយអ្នកចាត់ការរូបនេះក្នុងការបន្តកុងត្រាថ្មីថែមទៀតផង ព្រោះតែលោកបានឈានទៅដល់ឆ្នាំចុងក្រោយនៃកុងត្រារបស់លោកជាមួយក្លឹបនេះហើយដោយលោកនឹងចប់កុងត្រានៅថ្ងៃទី៣០ ខែមិថុនា ឆ្នាំ២០២៥។
តាមពិតទៅការសម្រេចឲ្យលោក Ten Hag បន្តកុងត្រាក៏ដូចជានៅដឹកនាំក្លឹបបន្តនេះគឺដោយសារតែលោកបានយកឈ្នះក្លឹប Manchester City ដោយដណ្ដើមយកពាន FA Cup កាលពីរដូវកាលឆ្នាំ២០២៣/២៤កន្លងទៅនេះ។
![](https://lookingtoday.com/wp-content/uploads/2024/06/image-9.png)
រយៈពេលមុន Man Utd ឈ្នះពាន FA Cup នេះតំណែងរបស់លោក Ten Hag មានភាពរង្គោះរង្គើខ្លាំងដោយទាំងថ្នាក់ដឹកនាំ ក៏ដូចជាកីឡាករក្នុងក្លឹបមួយចំនួនធំ មានការមិនពេញចិត្តនឹងការដឹកនាំរបស់លោក ដែលធ្វើឲ្យក្លឹបគិតគូរក្នុងការបណ្ដេញលោកចេញ។
![](https://lookingtoday.com/wp-content/uploads/2024/06/image-10.png)
យ៉ាងណាក្រោយថ្នាក់ដឹកនាំក្លឹប Man Utd សម្រេចចិត្តនៅក្នុងថ្ងៃនេះ Ten Hag នឹងអាចបន្តកុងត្រាថ្មីជាមួយក្លឹប ដោយគម្រោងរបស់លោក ស្របគ្នានឹងថ្នាក់ដឹកនាំក្លឹបដោយធ្វើការបណ្ដុះបណ្ដាលកីឡាករក្មេងៗដើម្បីពង្រឹងក្លឹប៕
![](https://lookingtoday.com/wp-content/uploads/2024/06/image-11.png)
![](https://lookingtoday.com/wp-content/uploads/2024/06/image-12-819x1024.png)
ប្រភព៖sabay
![](https://lookingtoday.com/wp-content/uploads/2020/08/1-2.png)