ព័រទុយហ្គាល់ ៖គ្រូបង្វឹកសញ្ជាតិព័រទុយហ្គាល់ លោក Jose Mourinho បានព្យាករណ៍ថា ក្រុមកីឡាបាល់ទាត់ជម្រើសជាតិព័រទុយហ្គាល់នឹងជួបក្រុមកីឡាបាល់ទាត់ជម្រើសជាតិអង់គ្លេសនៅវគ្គផ្តាច់ព្រ័ត្រនៃព្រឹត្តិការណ៍ការប្រកួតកីឡាបាល់ទាត់ពានរង្វាន់ Euro 2024 នេះជាជ័យជម្នះសម្រាប់ប្រទេសកំណើតរបស់លោក។
បទសម្ភាសន៍ជាមួយ TNT Sports អតីតខ្សែការពារជម្រើសជាតិអង់គ្លេស លោក Rio Ferdinand បានសួរ Mourinho អំពីការទស្សន៍ទាយ Euro របស់លោក រួមទាំងជើងឯក ជើងឯករង ជាការភ្ញាក់ផ្អើលនៃការប្រកួត អ្នកស៊ុតបញ្ចូលទីបានច្រើនជាងគេ កីឡាករល្អបំផុត និងម្ចាស់ពាន Ballon d’Or។ ក្នុង២ប្រភេទដំបូង គ្រូបង្វឹកវ័យ៦១ឆ្នាំបានជ្រើសរើសជម្រើសជាតិព័រទុយហ្គាល់ និងអង់គ្លេសដោយមិនស្ទាក់ស្ទើរ។
ព័រទុយហ្គាល់បានឈ្នះពាន Euro តែមួយគត់របស់ពួកគេរហូតមកដល់បច្ចុប្បន្នក្នុងឆ្នាំ ២០១៦ នៅពេលពួកគេបានយកឈ្នះបារាំង ១-០ នៅម៉ោងបន្ថែម ដោយសារគ្រាប់បាល់របស់ខ្សែប្រយុទ្ធ Eder ។ អង់គ្លេសមិនដែលឈ្នះការប្រកួតទេ ហើយទើបតែឡើងដល់វគ្គផ្តាច់ព្រ័ត្រម្តងគត់ក្នុងឆ្នាំ ២០២១ ដោយចាញ់អ៊ីតាលីក្នុងការស៊ុតបាល់ប៉េណាល់ទី។
ព័រទុយហ្គាល់គឺជាប្រទេសកំណើតរបស់លោក Mourinho ហើយប្រទេសអង់គ្លេស គឺជាកន្លែងដែលលោកធ្វើការយូរបំផុតក្នុងនាមជាអ្នកចាត់ការទូទៅរបស់ក្លិបាល់ទាត់អាជីព Chelsea ក្លិបាល់ទាត់អាជីព Manchester United និងក្លិបាល់ទាត់អាជីព Tottenham ។
លោក Mourinho បាននិយាយអំពីការភ្ញាក់ផ្អើលនៃការប្រកួតថា អ្នកណាក៏ដោយនៅខាងក្រៅព័រទុយហ្គាល់ បារាំង និងអង់គ្លេស ពីព្រោះខ្ញុំគិតថាទាំង ៣ នេះគឺជាក្រុមដែលចូលចិត្ត។ ទោះបីជា លោក Mourinho ជឿជាក់ថា ព័រទុយហ្គាល់នឹងត្រូវបានគ្រងតំណែងជើងឯក ប៉ុន្តែលោកគិតថា ពានរង្វាន់បុគ្គលសំខាន់២នៅ Euro នឹងទៅចក្រភពអង់គ្លេស។ គ្រូបង្វឹក Fenerbahce បាននិយាយថា កីឡារក Harry Kane នឹងក្លាយជាអ្នកស៊ុតបញ្ចូលទីបានច្រើនជាងគេ ហើយកីឡាករ Jude Bellingham នឹងឈ្នះអ្នកលេងនៃការប្រកួត។
យោងតាម Optaបាននិយាយថា កីឡាករដែលមានឱកាសខ្ពស់ក្នុងការប្រជែងយកអ្នកស៊ុតបញ្ចូលទីច្រើនជាងគេរួមមានកីឡាករ Kylian Mbappe កីឡាករ Kane កីឡាករ Cristiano Ronaldo កីឡាករ Romelu Lukaku និងកីឡាករ Alvaro Morata ។ កំណត់ត្រាស៊ុតបញ្ចូលទីគ្រប់ពេលនៅ Euro ជាកម្មសិទ្ធិរបស់ Ronaldo មាន១៤ គ្រាប់ ច្រើនជាង ៥ គ្រាប់ច្រើនជាងលេខ ១ កីឡាករ Michel Platini ។
ព្រឹត្តិការណ៍ការប្រកួតកីឡាបាល់ទាត់ពានរង្វាន់ Euro 2024 នឹងធ្វើឡើងនៅប្រទេសអាល្លឺម៉ង់ចាប់ពីថ្ងៃទី ១៤ ខែមិថុនាដល់ថ្ងៃទី ១៤ ខែកក្កដា។
នៅពេលសួរអំពីអ្នកឈ្នះ Ballon d’Or ឆ្នាំ 2024 លោក Mourinho មិនបានគិតពីកីឡាករណាម្នាក់ក្នុង Euro ហើយជំនួសមកវិញបានជ្រើសរើសខ្សែបម្រើស្លាបប្រេស៊ីល Vinicius Junior ។ កីឡាករ Real Madrid ដែលឈ្នះ Champions League ឆ្នាំនេះ មានឱកាសល្អបំផុតក្នុងការឈ្នះ Ballon d’Or ជាលើកដំបូងក្នុងអាជីពរបស់លោក។ លោក កំពុងត្រៀមខ្លួនចូលរួមជាមួយប្រេស៊ីលនៅ Copa America ឆ្នាំ ២០២៤ នៅអាមេរិកចាប់ពីថ្ងៃទី ២០ ខែមិថុនាដល់ថ្ងៃទី ១៤ ខែកក្កដា៕ ដោយ៖លី ភីលីព
