ឡុងដ៌៖ របាយការណ៍ឧស្សាហកម្ម បានឲ្យដឹងថា ការផលិតរថយន្ត នៅក្នុងចក្រភពអង់គ្លេស ត្រូវបានរងផលប៉ះពាល់យ៉ាងខ្លាំង ដោយជំងឺរាតត្បាតកូវីដ-១៩ ដោយបានធ្លាក់ចុះ ៦,៧ ភាគរយមកនៅត្រឹម ៨៥៩,៥៧៥គ្រឿង ក្នុងឆ្នាំ២០២១ ដែលជាចំនួនសរុបដ៏អាក្រក់បំផុត ចាប់តាំងពីឆ្នាំ១៩៥៦ មក។
ក្រុមហ៊ុនផលិត និងពាណិជ្ជករម៉ូតូ (SMMT) ដែលជាសមាគមពាណិជ្ជកម្ម សម្រាប់ឧស្សាហកម្មម៉ូតូរបស់អង់គ្លេស បានឲ្យដឹងនៅក្នុងរបាយការណ៍មួយថា “កង្វះខាតនៃ semiconductors ដែលជាសមាសធាតុសំខាន់ ក្នុងការផលិតរថយន្តទំនើប គឺជាមូលហេតុចម្បងនៃការធ្លាក់ចុះ ដោយរោងចក្រត្រូវកាត់បន្ថយ ឬផ្អាកការផលិត ខណៈពេលដែលកំពុងរង់ចាំផ្នែក ដែលការផ្គត់ផ្គង់ត្រូវបានរឹតបន្តឹងយ៉ាងខ្លាំង ដោយជំងឺរាតត្បាតសកល”។
SMMT បន្ថែមថា ក្រុមហ៊ុនផលិត បានជួបបញ្ហាកង្វះបុគ្គលិក ដែលកើតឡើងពីតម្រូវការ ក្នុងការផ្តាច់ខ្លួនដោយខ្លួនឯង និងការធ្លាក់ចុះនៃតម្រូវការ ជាមួយនឹងបន្ទប់តាំងបង្ហាញរថយន្ត ដែលបានបិទអស់ជាច្រើនខែ ដោយសារតែការចាក់សោរ ហើយទោះបីជាសេវាកម្ម “ចុច និងប្រមូល” ទទួលបានជោគជ័យក៏ដោយ។
បញ្ហាដែលមិនទាក់ទងនឹង ជំងឺរាតត្បាតផ្សេងទៀតក៏បានរួមចំណែក ដល់ការធ្លាក់ចុះនេះផងដែរ ប្រភពបានឲ្យដឹងថា “ជាពិសេសការបិទរោងចក្រ ផលិតរថយន្តដ៏ធំមួយ នៅចក្រភពអង់គ្លេស ក្នុងខែកក្កដា ដែលស្មើនឹងប្រហែលមួយភាគបួន នៃការធ្លាក់ចុះប្រចាំឆ្នាំ”។
លោក Mike Hawes នាយកប្រតិបត្តិ SMMT បានលើកឡើងថា “ឆ្នាំ២០២១ គឺជាឆ្នាំដ៏លំបាកមួយផ្សេងទៀត សម្រាប់ការផលិតរថយន្ត នៅចក្រភពអង់គ្លេស ដែលជាឆ្នាំដ៏អាក្រក់បំផុតមួយ ចាប់តាំងពីសង្រ្គាមលោកលើកទីពីរ ដែលធ្វើឲ្យវិស័យនេះ ប៉ះពាល់នឹងរចនាសម្ព័ន្ធ និងជាពិសេសផលប៉ះពាល់ ទាក់ទងនឹងជំងឺកូវីដ-១៩”។
ទោះបីជាមានដំណើរការមិនល្អក៏ដោយ របាយការណ៍បានឲ្យដឹងថា រោងចក្រផលិតរថយន្តនៅអង់គ្លេស បានផលិតរថយន្តអគ្គិសនីពីថ្ម ដោតឌុយ និងរថយន្តអគ្គិសនីកូនកាត់ ស្ទើរតែមួយភាគបួន នៃចំនួនរថយន្តអគ្គិសនី។ ដូច្នេះហើយ យានជំនិះ ដែលមានការបំភាយឧស្ម័នសូន្យ និងទាបបំផុតទាំងនេះ តំណាងឱ្យច្រើនជាងមួយ ក្នុងចំនោមរថយន្តទាំង៤ប្រទេស នៃរថយន្តទាំងអស់ ដែលបានផលិតកាលពីឆ្នាំមុន៕ ដោយ ឈូក បូរ៉ា
